نجل ضابط رفيع “سكران” يصطدم بعربة صحفي ..كان أن يقتله وصحفيون ينتقدون اختفاء أسرة الجاني

سودافاكس- الخرطوم : نشر الصحفي خالد مريود عبر صفحته بموقع التواصل الاجتماعي فيسبوك صوراً تظهر مدى الضرر الذي تعرض له الزميل الصحفي يحي كشة بعد أن اصطدمت به سيارة تتبع لضابط رفيع ، كان يقودها نجله الذي يبلغ من العمر 14 عاماً وهو في حالة سكر .

وقال الصحفي خالد مريود :
الف الف سلامة الزميل الصحفى “يحي كشة”..
الشاب دا يا اخوانا جاتو زى مابقولوا فى (صمة خشمو) بركن عربيتو ونازل يجيب ليهو موية خشة فيهو ولد ابوهو فريق (حي)عمرو 14سنة وسكران لط ماشى ب 240 اتخيلو سرعة 240 فى شارع النيل والعربية اوباما 2015.. العربية كانت وراها تلاتة عربات تانيات بمجرد ماوقفت وقفو جنبها شالوا حاجات الولد طوالى هرب.
المأساة وين اتخيلوا زميلنا دا شاف الموت بعينو دخل المستشفى ومرق لا الفريق ولاشفعو السايقين العربية ما فيهم زول جا ساااى (زلة لوم) زى ما بقولوا يقول كفارة لى زميلنا دا ولى سلامتك ساااى..
والله يا شباب الحكاية دى انا حرقتنى شدييييد وبقول للزميل كشة الف الف سلامة ياراجل يا طيب والحق ما بضيع كان فريق ولى مشير حقك لاويهو.
عليكم الله شوفوا البلد دى وصلت وين.!!؟ اااااااااااه ياوطن.