قصة أول طالب سوداني يتخرج من مدرسة الدراسات الحكومية بجامعة أكسفورد ..فخر للسودان
سودافاكس – تخرج الطالب السوداني عبدالرحمن الفكي عمر من جامعة أكسفورد ببريطانيا من مدرسة الدراسات الحكومية ، وهو يعد أول طالب سوداني يتخرج من هذه الكلية المرموقة . وكتب عبدالرحمن على صفحته قائلاً :
اليوم تخرجت من جامعه اكسفورد كأول طالب سوداني يتخرج من مدرسة الدراسات الحكومية بالجامعة. بالرغم من قمة الفخر و الاعتزاز لكن قلبي كان مقبوض.
مقبوض لانو الآن مافي طالب سوداني في الجامعة بدرس في المجالات المهتمه بالخدمة المدنية و السياسات العامة و الدولة. الآن قلة من الشباب من يطمحون الى خدمة اهلنا في السودان عن طريق الدولة كموظف في الخدمة المدنية لاسباب كتيرة منها قلت الرواتب، الطبقة السياسية و طبيعة النقاش…. الخ. الان في ٧٧٠،٠٠٠ موظف خدمة مدنية في الدولة السودانية دا غير الحكومه السودانية و الدستوريين. محتاجين نهتم بموظفي الدولة قدر اهتمامنا بالسياسيين الاطباء المهندسيين و رجال الاعمال.
محتاجيين عدد اكبر من الموظفين ديل يدرسو الدراسات دي. الكلام دا مابقدر عليهو نفر واحد. لو لقيت زول موظف حكومي فعلا بخدم اهلنا في السودان بشغف اصلونا بيهو، لو بتعرف ناس بتتبرع لطلاب سودانيين في مجال الخدمة المدنيه اصلونا بيهو. لازم نبني مستقبلنا بيدنا لانو ما بجينا جاهز.
