عالمي

“زينب” تطلب “الطلاق” بعد 4 أيام زواج: اغتصبني قدام صاحبه

فلسطين-رام الله
زينب تطلب الخلع أمام محكمة الأسرة، حيث قامت «زينب» برفع دعوى قضائية أمام محكمة الأسرة بزنانيري، وذلك لخلع زوجها «رجب»، وذلك لأنه قام باغتصابها أمام صديقه في «ليلة الدخلة».

بعد 4 أيام فقط من الزواج، قامت زينب البالغة من العمر 21 عامًا، برفع دعوى خلع على زوجها، رجب البالغ من العمر 33 عامًا، بعد أن قام باغتصابها أمام صديقه في «ليلة الدخلة»، وحاولت إخفاء أثار اللكمات الواضحة في الوجه والعين أمام المحكمة.

وبدأت والدة زينب القصة أمام المحكمة قائلة: «حسبي الله ونعم الوكيل.. ربنا يعوض عليها خير بعد اللي عمله فيها المجرم.. اتقدم لبنتي من حوالي شهرين دخل علينا بالهدايا قولت رزقها عريس ابن حلال.. قال إنه من الصعيد، وأبوه وأمه متوفيين وجاب معاه واحدة ست قال إنها أخته الوحيدة وإن ملوش غيرها».

واستمرت في الحديث قائلة: «وهمنا إنه بيشتغل فرد أمن في شركة بدولة عربية وهياخدها معاه بعد شهر العسل لكن عايز يتجوز بسرعة ويسافروا بعد شهر العسل.. وإنه هيتكلف بكل حاجة وعشان إحنا غلابة وملناش حد وافقت قولت ده عوض من ربنا.. كنت هجيب جهازها منين وهي يتيمة وملهاش حد في الدنيا».

وتابعت والدة زينب قائلة: «جاب شبكة عادية ودفع مهر بسيط.. أجر شقة طلعت في الآخر مفروشة قال هيتجوزوا فيها لحد لما يجهز ورقها.. حكت لي بنتي إنها لما دخلت لاقت صاحبه اللي كان معاه في الفرح موجود في الشقة.. طلب منها تدخل تغير هدومها وتستناه وصاحبه هيتكلم معاه في شغل مهم ويجيلها».

وتابعت: «فعلا دخلت البنت غيرت واستنته شوية ولاقته دخل عادي وشوية صاحبه دخل عليهم فخافت ولما بدأت ترفضه ضربها واغتصبها قدام صاحبه قالها أنتي هتعملي عليا شريفة».

وأضافت والدة زينب قائلة: «قالها أنتي شغلي وتسمعي الكلام بدل ما هيكون غصب عنك كل ليلة وهموتك لو مسكتيش، وبعد 4 أيام لقيت تليفون من ولاد الحلال بيقولوا تعالي خدي بنتك.. اتجننت هو ايه اللي حصل كنت فاكراهم عرسان جداد وبيفرحوا ومرضتش اتصل عليهم.. روحت لاقيت بنتي متبهدلة ومضروبة ومرمية لوحدها المجرم سابها بتنزف في الشقة وهرب لولا صراخها الجيران نجدوها وهو هرب».

واستكملت حديثها قائلة: «أخدت البنت ونزلنا على القسم عملنا محضر وأولاد الحلال قالوا نرفع قضية خلع.. ومنعرفش راح فين اختفى منه لله».

وقامت زينب بتحرير محضر في القسم لإثبات أقوالها بجانب إرفاقه بتقرير طبي لإثبات العنف الظاهري، وقال المحامي الخاص بالزوجة، الهيثم هاشم سعد، أنه يرجح إقامة دعوى طلاق للضرر لاحتفاظ الزوجة بكافة حقوقها المادية، كونها ضحية في تلك الحالة.

دنيا الوطن


أكتب تعليق

اضغط هنا لكتابة تعليق

اترك رد وناقش الاخرين

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.