لاشك أن الجميع ينتظر الحفل القادم للعملاق ابوعركي البخيت ، والذي غالب سنوات طوال عن المسارح والاذاعة والتلفزيون ، نسبة لما تعرض له من مضايقات من النظام السابق.
وفي لفتة جميلة رواها الصحفي عاطف عبدون في محاولاته لإقناع أبو عركي البخيت لإقامة حفل جماهيري ، حكى عاطف القصة التي دارت بينه وبين ابوعركي فيما يخص تنظيم الحفلة نترككم مع هذا السرد الذي رواه عاطف على حسابه الشخصي بفيسبوك قائلاً:
قمنا انا و(سيزار) اتفقنا ورا ضهر عركي اننا ننظم حفل كبير في مارس وقلت ليهو انت افتح للوالد اضانو وانا لمن اجي السودان بقنعو اننا ننظم الحفل الجاي برانا كدا.
يلا الليله اتلاقينا وبعد ونسات وحكاوي جبت ليهو سيرة الحفلة بشكل عام وحتي قبل ما اطرح فكرة اننا ننظمها برانا قام قال لي حفلة شنو والناس واقفين من صف لي صف، دا اسع وضع بتحمل حفلات؟
فقلت ليهو م لمن نحن نرتب ونحدد الأزمة دي بتكون انتهت والصفوف اختفت والحال انصلح ف انا كنت بحاول اقنعه وفي بالي احضر حفل بعركي باي تمن واي طريقة 🙂
المهم واثناء نقاشنا قررنا نطلع من الاتحاد ونمشي نضرب بوش في الموردة وقلت كدي بعد ما نضرب بوشنا افتح الموضوع دا تاني واول ما وصلنا صاحب المطعم قال ليهو متاسفين يا استاذ ما عندنا عيش والله .
فحينها تيقنت أنه حفل عركي ما في يدي ولا في يد سيزار إنما في يد (مدني ع مدني) فقط دون سواه 🙂
