كتبت السيدة شيرين حامد والدة الطفلة المتوفية لجين على حسابها بفيسبوك موجهة رسالة للمسؤولين قائلة :
اوصلو صوتي الى وزير العدل
والى الشبلي في القضائية والى ادارة التوثيقات بالمحاكم
حسبنا الله ونعم الوكيل فيكم وفي قوانينكم
بتي مشت مريضة بسببكم
وبامر الله وارادته
الظلم ظلمات يا حكومة السودان بلد ما فيها مقومات العلاج حتى الدواء بنشحتو من الناس عشان هنا مافي
مستشفيات مؤهلة نضيفة مافي
حسبنا الله ونعم الوكيل فيكم وفي ظلمكم
لجين في رقبتكم
ويا وزير العدل كل راع مسؤول من رعيته ما عدلتو وما رحمتو طفلتي ماتت بسبب اذن السفر
كل امكانياتي كانت موجودة عشان اسفرا تتعالج الا ورقتكم القتلت بتي بالمرض عانت وعانت وعانت وجريت جريت مافي زول فيكم انصفني ينصفني فيكم رب العباد انتو ومن ظلموها ما ادوها اذن السفر قالو دي سياحة ما علاج انتظركم يوم القيامة انتو وبدرية سليمان النصت القوانين الظالمة امام الميزان
كلكم راع وكلكم مسؤول عن رعيته
تركتكم لله الواحد الاحد
ان حكمتم بين الناس ان تحكمو بالعدل
انتو ما حكمتو بالعدل وما انصفتو
وان ماتت بغلة بالعراق لسئل منها عمر يوم القيامة
ساسالكم يوم القيامة من لجين وحق لجين
حسبنا الله ونعم الوكيل
ولا راد لارادة الله
#اسقاطاذنالسفر
