وئام كمال الدين – وطني الزمن مهجور

وئام كمال الدين
وطني الزمن مهجور

بحلم ألملم ليك
من كل أغنية صوت
وأملاك نغم مسرور….

وأتممر القمرة
وأضوي بيها بيوت
وطني الزمن مهجور….

بحلم أدندن بيك
وأرققص البنوت
فوق دقة الطنبور….

و ادعك ضلام الليل
و اشطف سوداو وأفوت
و انشر نهارك نور….

و أكشحك بالضي
و أقلدك ياقوت نجم السما المشرور….

بحلم أمررق بيك
نفس الهوى المكبوت
الصاني ليهو دهور….

داير أسقي منك نيل
دونو البداري تموت
وبلاك صبح محسور….

وأعزي بيك الجوف
والحس قبل ما يموت
والخاطر المكسور…..

داير أبني بيكي قصيد
وأقفي بيكي بيوت
حرفي الشقي ومأسور ….

وأنا حتى في حلمي
شايفك بتبعدي يوت
ولقاك علي محظور…..

تعليقات الفيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.