وئام كمال الدين – قلم من ضي

وئام كمال الدين
قلم من ضي

عشان مستقبل الأطفال
وجب ننهي الخلاف الطال
عشان تتحقق الآمال
عشان أوطاننا تتقدم
علينا تعال
وهاكا قلم …..
قلم من ضي
صرخ رصاصو ما هاب شيء
كتب خت السلاح يا صبَيْ
رصَاص بدل الرصَاص ياخي
رصَاص بدل الرصَاص الحي
حنحقن بيهو سيل الدم…
نزف
حبر الحقيقة الجاف
حلف غير الله ما حيخاف
وبين جلدة غلاف وغلاف
شطب بالخوة أي خلاف
رسم إيدينا شايلة عَلم….
قلم
سايل نزف قطرة
سقت جوة القلب بذرة
طرح فكرة
سلام يا أرضنا البكرة
نصافح بيهو يوم بكرة
و نحقق كلما نحلم….
كتب
أحلامو ضواية
كتب غاية
رفع راية
نده كراس وبراية
كتاب و جلاد ومحاية
كتابة و حصة وقراية
ومن أخطاءنا نتعلم…
عشان مستقبل الأطفال
علينا تعال
علينا تعال
علينا تعال
تعال يا صبَي ..ْ تعال خت السلاح يا صبَيْ
علينا تعال
قلم من ضي..

رصَاص بدل الرصَاص الحي
رصَاص بدل الرصَاص ياخي
رصَاص ياخي
علينا تعال
علينا تعال
عَلم
كراس
قلم من ضي
علينا تعال
علينا تعال
عِلم
كراس
قلم من ضي…