وئام كمال الدين – وزي عصفور
وئام كمال الدين
وزي عصفور
وزي عصفور صباحو بيعلن الفرحة
ويغني الريدة لي شمسو
عروسو اللابسة من النور
ومن وهج الأمل طرحة
ولا شايل هموم بكرة
ولا في بالو هم أمسو
وصوتو بجدد الآمال
ولامن يتعبو الترحال!!!
يوشوش للغصن تعبو
ويغرد بالخطر في البال
يسافر بي، بي حلم مفرود
وموعد تاني للعودة
هو حر إحساسو ما محدود
وبنشد أحلى انشودة
محل ما ريح خطاهو تقود
دروبو وترضي مريودا
بيقول موال…
حبيبي السافر أمبارح
و للروح ماسكت همسو
كما العصفور
صباحو بيعلن الفرحة
ويغني الريدة لي شمسو
