هجوم وانتقاد لـ محمد علي الجزولي بسبب “عيد الفطر”

كتب محمد علي الجزولي رئيس حزب دولة القانون الذي يقود حملة كبيرة ضد حكومة الفترة الانتقالية ، كتب معلقاً على تحري شهر شعبان قائلاً :

هذه الجمعة بالنسبة لنا يوم 29 رمضان يعني ممكن بكرة يكون أول أيام العيد سنراقب رؤية هلال شوال هذه الليلة وأي مسلمين في أي دولة يقولوا شافوا هلال شوال سنفطر معهم وتقبل الله منا ومنكم الصيام والقيام .

 

وشن متابعو محمد علي الجزولي هجوماً شرساً عليه حيث وصفه البعض بعمل تفرقة و ادخال الخلاف السياسي في الأمور الدينية البحتة ، وعلق البعض قائلاً:

Mohd Suliman:
كيف الكلام ده يا دكتور
ما بنعرف عنك انك ب تلولو الدين شان السياسة ..
الرؤية دي كل ناس ب رؤيتهم والمسالة مثبتة والفتاوى في الموضوع ده ما عندها عدد
لو في شي فقهي علمنا ليه

Mohammed Hassann Zo
يا دكتور مع احترامي ليك بلاش خطابات التفرقة دي منو انتو الشعب كلو صايم ع زمن واحد وبعدين لو ف حاجة كان حجة قوية انو ف خلل كان تتصل ع دار الاوقاف من قبل تحديد رمضان مالو تنفع الأمة والعباد

حسن مصطفى الامين عبدالرازق
ما هكذا تورد الابل يا دكتور. والله نحنا معاك في أيي طرح الا كلامك غير المنطقي دا، لأنو الثابت أن لكل اهل بلد رؤيتهم ونحنا رؤيتنا في السودان بتقول أن غدا السبت هو يوم ٢٩ رمضان، والموضوع ما موضوع سياسه ، وانت من المفترض أن تكون أول من يعلم بأن لكل أهل بلد رؤيتهم وأن رؤية أي بلد آخر لا تلزمنا،نسأل الله لك الهداية

عبدالرحمن ادريس
أول حاجة الناس تطبل وتنادى هذا السفيه بالدكتور ، أعلمو جيدآ أن الدكتوراه درجة علمية ولا يستحقها إلا من ثابر وكافح وبحث ف تخصص معين فللأمانة العلمية نرجو التكرم من سيادة حراقي البخور إخبارنا ف أى تخصص نال هذا الأرزقي درجة الدكتوراه !
زول بنادى بدولة شريعة ما عارف إنه الصيام والإفطار دا بكون على بينة ، يجى يقول ليك لو ف دولة إسلامية فطرت حيفطر ، كل دولة عليها أن تتحرى الشهر نسبة للفروق الجغرافية

Wad Elshekh
نتمنى اختلافك السياسي ما يكون اختلاف ديني و تتشتت الامة قال سبحانه تعالى
﴿ وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِد إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ ﴾.

Ezzo M Bashier
انت م محسوب قول ساي وافطر وفطر النعاج المعاك ما عندنا معاك قضية نحنا مع حمدوك لو قال يوم الخميس بنصوم لحدي الخميس الجاي

احمد بدري
ياخ في حاجة اسمها ولي الأمر واجب اتباعه ما اي زول بصوم وبعيد براهو اتبع ولي الامر الله يهديك ياخ ما تضيع أجر الصيام بالتعنت الموضوع دا ما فيهو سياسة ياخ

تعليقات فيسبوك


اضغط هنا للإنضمام لمجموعة الواتسب

اضغط هنا لبقية مجموعات الواتسب

تعليق واحد

اترك رد وناقش الاخرين

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
%d مدونون معجبون بهذه: