وئـام كمال الدين – الناس اجناس (فيديو)

وئام كمال الدين
الناس اجناس

في ناس لا لانت يوم لا رقت وناس دمعاتا ولا بتجف

وناس دغرية ودربها واضح وناس شغالة تدور وتلف

وناس لاعبين بالفقرا طواقي تلببس في الريسين بالصف

وناس تتحاشى لقاك بالصدفة وناس أشواقا تلفك لف

وناس بتساهر شان ماتنجح وناس بتباصي عشان بتشف

و ناس بتقدس معنى المبدأ وناس مابتعرف حتى العرف

وناس بتفتش حق أخونا وناس لي حق اخوانا تسف

وناس ما نامت شان مظلومة وناس تظلم دون عينا ترف

وناس تحترم الشيخ و الوالد وناس تستهون قولة الأف

وناس بين كاس و إنداية ونشوى وناس بين حضرة ونوبة ودف

وناس بتموت شان ما تتذلا وما تنداس في يوم بالخف

وناس بتبوس كف الآذيها وتدعي عليو بي قطع الكف

و أصلو الناس أجناس تتباين وكلو جنس جاب ليهو وصف

وانت اختار الجنس الداير تبقى معاو في يوم الصف

https://youtu.be/PWmdVfr9QKs

تعليقات الفيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.