وئام كمال الدين
اصل سالم
وسالم لي معاك حميد
وصل ليو سلام الشيعوك أفواج
وحزن الريكة جنب الصاج
وريهو البلد كيف حالا
باكياكم جميع أجيالا
كل شبابا و أيضا شيبا و أطفالا والحجاج
وقالدو و أهدي ليو أشواقنا
وريهو الحزن كيف هاج
أبوي محجوب
في الجوف الحنين بيهاتي
يا الفارقت إلا تركت جوانا لأمل في الآتي
حلمك وحلمو عايش فينا
حافظين الوصايا اللينا
وعد علينا
نوفيها ونسدد دينا
حنبنيهو البنحلم بيهو يوماتي
وطن شامخ وطن عاتي
وطن خير دموقراطي
ابوي محجوب
حليلك يابا فقدك حار وقاسي شديد
الا الفرقة ما بالإيد
أبوي محجوب أصل سالم
وسالم لي أبوي حميد