آخرها Jeunesse global شركات التسويق الشبكي بين الحرمة الشرعية و النصب

يسعى الشباب في هذه الايام بصورة حثيثة لزيادة الدخل وتوفير مصدر رزق جديد لهم ، بل أن الامور وصل حتى كبار السنة وربات المنزل ، للبحث عن طرق الربح السريع ، وهنا تأتي الفرصة من حيث لا تعلم وذلك عبر ” شركات التسويق الشبكي ” التي تنتهي بالنصب على المشتركين وخداعهم واغلاق الشركة فجأة .

من هذا المنطلق استفتسر الكثيرون مجمع الفقه الاسلامي السوداني الذي افتى بحرمة التسويق الشبكة والدخول في مثل هذه الشركات ، ويزكر ان احدثها كانت شركة TVI Express و Jeunesse globa .

 وأشار عدد من الخبراء الى ضروري الابتعاد من الدخول في مثل هذه الشركات فيما نجد ان  أبرز النقاط التي تحدث عنها الخبراء هي:

  • انك بعد ان تقتنع بما تسمعه ستدخل أموالك في هذه الشركات ومن ثم سوف تلهث من أجل ادخال غيرك لكي تظهر لك الفائدة.
  • الشركات تحاول اقناعك انها تعاملت مع شيوخ وحصلت على فتوى بحلال عملها

قم بقراءة المواضيع التالية

 

هناك 6 أكاذيب تستخدمها حاليا شركات التسويق الشبكي لاصطياد ضحاياها تتمثل في: “كذبة الربح السريع، وتحقيق الحرية المالية، واستغلال الظروف الصعبة للناس والشباب، وشماعة المنتج، ومصداقية وسمعة الشركة، وأخيرا الادعاء بأن المال من هذا العمل قانوني وحلال شرعاَ” – وفى هذا الشأن – سنتناول الأكاذيب إجمالا وتفصيلاَ.

 

1-كذبة أو الإيهام بالربح السريع:

الربح السريع هي واحدة من أشهر الأكاذيب التي انتشرت فعلا خصوصا في عهد الشبكة العنكبوتية حيث نرى مشاريع وشركات ناجحة تحقق أرقاما قياسية على مدار السنة، وتخفي قصص نجاح المليارديرات وهذه الشركات جزءا مهما في الحقيقة وهي المسيرة الطويلة التي تطلبها الأمر للوصول إلى هذه الصورة المثالية.

والشركات الشبكية تروج للربح السريع من البداية – على سبيل المثال لا الحصر – خلال الشهر الأول يمكنك تحقيق 5000 دولار وبعد عام من الآن سيتجاوز دخلك الشهري 100000 دولار، وهذه الكذبة التي تستخدم فعليا بالأرقام والإحصائيات مع العمولة التي ستأخذها مقابل كل مشترك جديد يأتي عن طريقك والحصول أيضا على نسبة من أرباحه عادة ما تكون مقنعة للضحايا من البداية .

2- كذبة تحقيق الحرية المالية:

مصطلح الحرية المالية لم يعد بريئا هذه الأيام وقد اتسخت سمعته، لكون أي شركة تروج لفكرة الربح عادة ما تستخدمه في إشارة منها إلى أن العمل معهم سيجعلك تتخلى عن الوظيفة، وستكون أنت مدير نفسك، والعيب ليس في استحالة تحقيق الحرية المالية بل في استخدام هذا المصطلح كشماعة للترويج للربح الكاذب والغير الحقيقي أصلا، والحرية المالية تتحقق بعد تعب وعمل كبيرين لمدة طويلة وليس بالعمل لساعة أو ساعتين وقضاء بقية الوقت في النوم والعسل.

 

3- ضرورة استغلال الظروف الصعبة للناس والشباب:

تلعب هذه الشركات على مشاكل شائعة لدى فئتها المستهدفة و التي تشكل الأغلبية بلا شك، من بينها البطالة وزيادة الدخل المادي والتخلص من أرق ومشاكل الوظيفة الحكومية أو الخاصة،
إذن هي 3 مفاتيح تستخدمها شركات التسويق الشبكي من أجل تحويل الناس إلى ضحايا لها وبيع الوهم لهم طيلة الوقت كالتالي:

أ-بطبيعة الحال من يعاني من البطالة ويبحث عن وظيفة أو مصدر دخل وربح سيرى عروض الشركات الشبكية بأنها فرصة لن تتكرر مجدداَ.

ب-من يعاني من المشاكل في الوظيفة الحالية وإصابة الملل من كثرة الانتقالات من شركة إلى أخرى سينظر إلى الاستقلالية بكل اهتمام وسيرضخ لإغراء الحرية المالية

ج-فيما شباب الجامعات والكليات الذين يعانون من ضبابية مستقبلهم هم أيضا ضحايا لهذه الشركات كونهم يسعون للاستقلالية المادية والفردية عن عائلاتهم وتكوين حياتهم دون الحاجة لمواصلة التعليم المرهق والغير المضمون النتائج.

 

4-شماعة أو أكذوبة المنتج:

لقد أصبح من المعروف أن الشركات المبنية على الدفع مقابل جلب المشتركين وغياب المنتج والنشاط التجاري الحقيقي هي شركات هرمية ممنوعة بناء على القانون الدولي، لهذا تقدم لك هذه الشركات منتجا حقيقيا فعلا يمكنك شراءه منها وهو سعر الاشتراك و منه يأخذ الذي انتسبت عن طريقه عمولته، إنها طريقتهم للتلاعب بعقول الناس ولكن في الحقيقة عندما تتأمل هذه الخطوة بالضبط ستجد أن المنتج الذي اشتريته غالي الثمن مقارنة بالنسخة نفسها في المتاجر و الأسواق، أو ربما حصريا و بسعر أغلى من منافسيه و الأسوأ أنك اشتريت منتجا لست بحاجة إليه.

 

5-مصادقية وسمعة الشركة:

لا ننكر أن هناك العديد من الشركات الشبكية الصادقة فعلا في دفع أموالهم للمشتركين وهذه ليست مشكلة، المشكلة تكمن في أن آلية عملها هو ما لا يسمح لك بربح الكثير من المال الذي سيكون من حقك الحصول عليه، وبعضها ستلجأ إليك بعد مدة من العمل معها لتطلب منك شراء منتج جديد منها لتبقى من المشتركين أو يتم شطبك من قاعدة بياناتهم.

هناك العديد من الأسماء مرخصة بترخيص نت وورك ماركيتينج ولديها وجود واقعي لكن الأرباح الكبيرة ومن يجني المال الكثير هم أصحابها والمقربين منهم الذين يحتلون أعالي الشبكة التي أنت فيها بالأسفل وقدرك بعض الفتات حتى في حالة استقطاب الكثير من الضحايا.

 

6-الادعاء المستمر بأن المال من هذا العمل قانوني وحلال:

إذا كان المال الذي يمكنك الحصول عليه من الشركات الهرمية محرما ليس فقط دينيا بل قانونيا أيضا، فمن المنطقي جدا أن يكون كذلك بالنسبة لما يمكنك جنيه من فتات مع الشركات الشبكية، والمبدأ والأصل في هذه الحالة واحد وعوض أن تدفع تكلفة الاشتراك نقديا بشكل مباشر تشتري هنا منتجا هو ثمن هذه العملية.

 

وكتب خبير التكنلوجيا والربح من الانترنت الشهير عبدالرشيد”تايلندي اسمر” قائلاً :

المنشور ليس القصد منو تكسير مجاديف الناس ؟ لو فعلا هي رابكة مركب صاح … الغرض الاساسي توعوعي والله لو ما بحبك ف الله ورايد ليك الخير ما بتكلم فيو ولا بقول ليك خش شوف تعليقات الناس الركبت في المنشور هدفو يصل اكبر ناس عشان توعى الناس … احترامي للكل بدون فرز للعلقو وشيرو لا احترام للاستغلال وتطليس الناس وغشهم والتلاعب بي احلامهم (ممكن تدخل بروفايلي تشوفني شغال شنو بفضل الله وكرمه الحمدلله وعبر النت برضو بس شغل بي ضراعك وما بتجيب زول تحت وبتكسب وبالدولار برضو )
يعني كمية الناس المالية قاعة الصداقة دي جاين عشان يطلسوهم !!!!
بجد نحن لسا عايزين سنين ضوئية عشان الواحد يقدر يفكر ويعرف يفرق بين الطلس !!!!
الواحد يجازفا مجازفة عشان يصل القاعة ياكلو ليك راسو يطلع يداقش ف المواصلات ويقول دا اخر يوم اداقش خلاص !

تدفع ليك ٣٠٠ دولا عشان تخش معاهم !!!
وبعد كدا تبقى هطلة ودلاهة وتقعد تساكك ف الناس عشان يشترو المنتج الانت اشتريتو ! اللي هو سعرو اغلى بي كتير من مصدر الناس البتسكهم ديل !؟
(عارف بتساككهم لي ؟ لانو وقتها ح تعرف انو انت اطلستا في لازم تتطلس غيرك عشان ما تخسر ع الاقل في تبقى اكعب من الكيزان !!! ح تقول نفسي نفسي وتفتش ضحية يشتري منك المنتج الركبت انت فيو وتقنعو بكل ما اوتيت من قوة تعمل اي شي بس عشان تركبو وانت ما تخسر وح تخسرو هو )
يعني الناس دي ما بتتعلم ؟ ايكر وكويك نت وكوست نت وهلم جرة تجي جنيس قلوبال تاني تدقسك ؟
الغريبة البدعيك للافنت دا بجي معاك بالمواصلات وبطلع معاك برضو يداقش في المواصلات كان ما اخدا موزة ساي
عليك الله لمن قريشاتك دي وامشي ازرع والله بتجيب دخل عمرك ما تحلم بيو
والبجي بقول ليك السنة جاية بتسافر ورحل وتركب طيارة اسالو انت جاي كداري مالك ؟؟؟
اسالو مالك ما طلعوك رحلة من رحلهم ؟
مالك مكتح وروحك طالعة ؟؟
ام الطلس الشبكي جنيس قلوبال وح تلف بينا الدنيا وتجو تقولو لي يا تايلندي عندك حق كان
#تايلندي_اسمر

 

كتبت أحدى الشابات السودانيات عبر فيسبوك – الناس تعمل حسابها من النصب ده!

شركة Jeunesse globa والهراء التسويقي …
الليلة ح تسمعوا قصة مختلفة عن البتسمعوها لي جينسس بعيدة عن الرياء والكذب المبتذل من نوع
(دهبي الاشتريتو من جينس )
(وقروشي الاخدتها من جينس )
والكذب الواضح ده ….
انا ح احكي قصتي مع شركة Jeunesse وكيف تيم ون او التيم الكلو مصرين وسودانين نصبوا علي انا ومعاي 80 شخص سوداني وقصتي واحد في المليون من قصص الفشل والنصب البتحصل ..
اولا …اذا انتي شغالة في الشركة قبل تاخدي وضعية الهجوم اقري واسمعي قصتي كويس وح انزل كل الأدلة البتثبت كلامي …
ثانيا …انا حاولت لمدة 3 شهور اني ارجع حقي بطريقة هادئة واشتكيت للشركة وما انصفتني وتيم ون غير هددني ما عمل شي
ثالثا … اذا ناوية تدخلي الشغل ومصرة ابعدي من حاجة اسمها( تيم ون )
ما اطول عليكم الحصل كالآتي:
انا اسمي رانيا دخلت شركة Jeunesse بكامل قواي العقلية ما ح اقول زول حنسني لا لا زول دعاني ودخلت قريت كويس عن مجال التسويق الشبكي وفهمت الموضوع واتوكلت اشتركت وموضوع الخذلان وانك تكتشفي بعد كنتي متحمسة انو الموضوع ما ساهل ده خلوهو نتكلم عنو في بوست تاني ….
في يوم الكوتش الي فريقنا جات قالت ماااتنومو الليلة في مفاجأة ح نعلن عنها الساعة 1 اي زول في الشركة ح يتذكر اليوم ده جونا قالوا انو في عرض بتعملوا الشركة دايما اسمو BDA ( العرض ينص على الآتي انو اذا دخلت 5 اشخاص بي وكالة كبيرة (يعني بي قريب الف دولار) الشركة ح تتعاقد معاك بانها تديك شهريا 5 الف دولار )

 

وطبعا لاننا بطريقة ما كنا بنثق في الناس ديل صدقنا الموضوع وانا اجتهدت عشان اخد العرض ده باني ادخل 5 أشخاص بالوكالة الكبيرة دي ادفع من جيبي وبعدين ال6 شهور اخد 5 الف دولار…
لميت القروش وادينتها وضغط على نفسي واسرتي واشتريت ال 5 وكالات
وطبعا هم وقت ورونا الموضوع الحماااااس والناس الجات حكت انها اخدت العرض والمهم يومين ما نمنا بالحماس وح ندربكم ونكون معاكم ودراما
المهم انتهي زمن العرض وكنا فرحانين اننا عملناهو تاني ما شفنا زووول غطسو وصنووو كده بشكل غريب
انا منها حسيت في شي غلط المهم نهاية الشهر الاول الي هو المفروض ناخد فيهو ال5 الف دولار جونا قالوا الBDA اتاجل كييف الكلام ده والله فيهو مشكلة
تابعت الموضوع مع الفوق مني ومع مدربين كباار في الشركة ولا واحد عبرني بعد شافوني دقيت جرس والموضوع كبر جابو لينا واحد اسمو شهاب خلف دخل معانا اجتماع هددنا قال لينا اليتكلم ح يفقد دعم الفريق ويتحرم من الايفنتات وقلنا ليكم ال BDA ده حاليا موقف في العالم كلو والمهم قال كلامو وطلع
انا كنت بين نارين اني خسرت كل الخسارة دي وبعدين اطلع من الموضوع ساي كده وبين اني زعلانة جدا وعايزة حقي حاولت اواصل شغل بس غلبني كان مسيطر على احساس اني ح اورط شخص تاني معاي وادخلوا في شركة زي دي واخليهو يدفع مبالغ قدر دي
طبعا ما يفوت عليكم اني الاشتراك الدفعتوا ده جاتني بيهو بضاعة كتيييرة جدا وانتو عارفين اسعارها نار كيف ف برضو موضوع ابيعها كان شبه مستحيل مع اني اجتهدت جدا بس ربع بس الاتباع أما ماسورة المنتجات دي نتكلم عنها في بوست تاني …
المهم اتواصلت مع الناس الحققو معاي شروط العرض واتفقنا اننا نتواصل مع الشركة وهي تنصفنا وحصل اتواصلنا معاهم
قالوا اثبتو كلامكم رسلنا ليهم الفيديوهات والحاجات الثبت كلامنا قالوا لينا اصبرو نحقق في الموضوع الموضوع جرا شهريت يحققو بس
ونحن منتظرين المهم في النهاية قالوا لينا كلامكم صح الناس ديل غشوكم
قلنا الحمد لله ومافي عرض زي ده من الشركة طيب تمام وانهم عملوا كده عشان هم تجيهم نقاط
اههههم نقطة لازم تعرفوها انو الكوتش الكبييير لما انا اصغر زول في الفريق ادخل شخص او نقاط بتصلهم نفس نقاطي وطبعا النقاط لما تكتر تتحول لي قروش ويترقوا هم في الشركة واتخيلو الآلاف الناس البتكون في الفريق دي لما تدخل أشخاص

وفي نفس الشهر الكذبو فيهو كذبة ال BDA دي هم وصلوا ترقيات عالية جدا بي قروشنا نحن طبعا
خلاصة الموضوع الشركة ما اخدت اي اجراء ضد الناس الغشونا ديل ولا عملت ليهم شي بس ادتهم انذار 😏
المهم انا كتبت الكلام ده عشان اولا احذذذركم من الشركة دي واحذركم من اي شخص يدعوكم للشغل ويسهل الموضوع ليكم ده كلو كذذذذذبببب
تانيا لاني ما ح اخلي حقي قانونيا بديت في الموضوع
المهم طالبة منكم انكم ترفعوا البوست
صحبتك النفسها تشتغل تاقيها وريها حقيقة الشركة
اذا انتي شغالة احكي لينا قصتك واتخذلتي كيف انا متاااكدة اي وحدة هنا عندها قصة خاصة بيها
**ح ارفق كل الحاجات البثبت كلامي في الكومنتات من ايميلات الشركة لي فيديوهات المدربين للدردشات الكانت في القروبات وحسبي الله فيكم واحد واحد **
اي زول ح اتاقيهو في البوست ده ارفع البوست

تعليقات الفيسبوك


اضغط هنا للإنضمام لمجموعة الواتسب

اضغط هنا لبقية مجموعات الواتسب

اترك رد وناقش الاخرين

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى