عمر سواق الخلاء

عمر سواق الخلاء
زهير الزناتي

وزير الخارجية المكلف سواق سواقة جد لكن للاسف بالخلاء كلامه عن ان الطيران الاسرائيلي سيدفع مليون دولار يوميا رسوم عبور الاجواء السودانية كلام ساي .. لو مشيت قوقل بتلقى رسوم عبور اي طائرة لاجواء اي دولة ما بين ٥٠ دولار ل ٣٠٠ دولار .. يعني عايزين لينا ٣٠ الف طائرة اسرائيلية في اليوم الواحد.

** اما اصراره بانه من كان سبب في وضع اسم السودان في القائمة فده الخلاء بنفسه … يديك احساس تضخم الذات وان امريكا دولة بلا مؤسسات .. لا استخبارات ولا جيش ولا كونغرس .. وانه المسألة سوق ام دفسو ساي . طيب سعادتك لو عندك مثل هذه السلطات ليه هرينا ههههه لمن قدرنا نرفع الاسم مرة تانية بالله يا عمر روق واسمع كلام زروق .. على فكرة فنجان الشاي الامس لم يكن ونسة في حديقة التيار فقط وانما كان منقول على الفضائيات ..