قررت مقاضاة الشركة السودانية للكهرباء.. داليا إلياس : ” الغبينة دايرة تشقنا الله يشق عناقركم ياخ”

أعلنت الشاعرة داليا إلياس عن نيتها في مقاضاة الشركة السودانية للكهرباء،اعتراضاً على القطوعات المستمرة والتي وصفتها داليا بغير المقبولة

و عبرت داليا إلياس عن سخطها الشديد على التلاعب المستمر والذي أصبح غير مبرر خلال منشور على صفحتها بموقع التواصل الاجتماعي فيسبوك، كما وجهت هجوماً عنيفاً على المسؤولين

وقالت داليا في منشورها  : “تقريباً معظم السودان قاطع من قبل ٦ ص ومافى مسؤول محترم كلف نفسو ينبه الناس ولا يطلع يعتذر ويوضح

الناس ديل حقارين عدييييل كده…وماعاملين لينا أى إعتبار ولا شايفين عندنا قيمة… قاعدين ضاربين الهواء البارد ويتلولحوا بالكراسى الفرحانين بيها دى!!

ياخ كهربتكم دى مالشحن التلفونات والمكيف والموية الباردة بس رغم إنها أبسط حقوقنا…

إنتو وقفتوا حياتنا ومامراعين لى مرضى ولاأطفال ولاكبار سن ولا شغل إتعطل ولا أكل مجابدنو مجابدة باظ فى التلاجات البقت عبارة عن دواليب ولا لى أجهزة كهربائية إتعطلت بسبب عبثكم المتعمد.ياخ انا دايرة محامى يرفع لى قضية على شركة توليد الكهرباء دى.

أنا مشترية كهرباء مقدم بى مبلغ وقدرو لى أغراض معينة حسب حوجتى وتفاصيل حياتى.

ده إنتهاك وااااضح وصريح…وأنا جادة والله الغبينة دايرة تشقنا الله يشقق عناقركم ياخ..طلعتونا من طورنا وحرقتوا دمنا”

سودافاكس


اضغط هنا للإنضمام لمجموعة الواتسب

اضغط هنا لبقية مجموعات الواتسب


اترك رد وناقش الاخرين

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x