أثارت فتاة سودانية ضجة بمواقع التواصل الاجتماعي، حيث نشرت الفتاة استشارة بإحدى المجموعات المتخصصة للاستشارات الاجتماعية أشعلت غضب المتابعين، ذكرت فيها تعرضها للتحرش من قِبل عمها باستمرار وتهديده لها من إخبار اي شخص عن ذلك.
وكتبت الفتاة حسب ما ورد في المنشور الذي رصدته محرر موقع سودافاكس الإخباري : ” السلام عليكم
انا عمري 21 سنه بتحرش بي عمي اخو ابوي ود امو وابو هو عمرو كم وتلاتين ليو فترة سنه انا خايفه اتكلم وتحصل مشاكل وخلاص م قادره اسكت والله تعبت شديد اهلي صعبين خايفه ابوي ولا واحد من اخواني يقتلو واكون جبت مشاكل انا خايفه علي اخواني يدخلو السجن بسبب واحد زيو وهو طوالي معانا في البيت كل يوم بجينا وناس البيت بيطلعو الشغل او الجامعات انا وامي بنكون برانا مرات امي بتخليني معاو عشان م اكون براي بتطلع لي واجب انا مرات بمشي اقعد مع الجيران مرات م بلقى طريقه م بخليني وبصرخ ماف زول بسمعني لانو البيت الجمبنا فاضي وباقي البيوت بعيده مننا كم مره بقفل نفسي في الحمام ساعات وهو لمن يقرب لي بقول لي انا بحبك لي جيتي بت اخوي انا كرهتو شديد كان بقول لي انا بحب شعرك الطويل قصيتو وكل م يبدأ يطول بقصو وبرضو يجي يقول لي شعرك القصار سمح وم ح تبعديني منك حتا جسمي انا من ٦٥ ضعفة شديد عشان يخليني في حالي لمن بتقدم لي زول بقول لي لو وافقتي بقتلك ومره قلت م ح ارتاح الا اعرس وافقت خنقني كان عايز يقتلني بقى يشيل لي السكين لحدي م رفضت وللان كل م يتقدم لي زول برفض اساسا م بقعد معاو في مكان واحد بهتم بي شديد لو عيانه بكون جمبي اليوم كلو وبقول ليهم انا بوديها الدكتور واي شي اقول عايزاو هو بجيبو لي في حين ابوي م مقصر مني في حاجه انا م قادره احكي لزول خايفه من رد فعلهم ولا حتا اخواتي ولا بنات خالتي بالرغم من انو هم قريبين لي وحتا في العمر قريبين بس م متوقعه رد فعلهم م عارفه اعمل ليو شنو اتكلمت معاو قعدت معاو ك اتنين عاقلين م نفع ولا سمعني طلع طوالي
*كل م يعمل كدا ي بجرح نفسو ي بحرق يدينو كلها بالسجائر
*عارفه الناس ح تقول لي دا مريض بس مع باقي الناس والمواقف بشوفو زول طبيعي شديد عليكم الله انصحوني انا كبيره وفاهمه انو م لازم اسكت في حاجه زي دي بس كمان ختو نفسكم مكاني وشوفو كمية المشاكل الحتحصل وانا والله خايفه علي اخواني لانهم صعبين واغلب الناس بتكون عارفه انو البطاحين صعبين شديد
انا حاليا عايزه اتابع مع دكتوره نفسيه لمن انزل جامعه لانو اسي م عندي طريقه الجامعه مؤجزه
عليكم الله وروني طريقه من غير م تقولو لي كلمي اهلك اقدر احل الموضوع من غير اهلي
انا والله تعبت م عارفه ح افضل كدا لي متين”
سودافاكس