فتاة سودانية : أمي تخون أبي مع صديقه العزيز .. ماذا افعل؟

أشعلت استشارة لفتاة سودانية غضب رواد مواقع التواصل الإجتماعي ادّعت فيها اكتشافها خيانة والدتها لوالدها مع احد أصدقائه المقربين.

 

وبحسب ما رصدت محرر موقع سودافاكس الإخباري فقد ادّعت فتاة في منشور نشرته في مجموعة شهيرة انها اكتشفت ان والدتها تقوم بخيانة والدها مع “أعز أصدقائه” كما وصفت مما تسبّب لها في صدمة كبيرة ، حيث طالبت المتابعين بأن يفتوها في الأمر وكيف يمكنها التصرف.

 

وجاء نص الاستشارة التي أثارت جدلا واسعا كالآتي : “اقسم بالله اقول الحق ولا شي سواه

انا شابه عمري 21 سنه انحنا 6 وانا اكبرهم استشارتي ي جماعه امي لي فتره من الزمن ملاحظه تصرفاته غريبه طبيعي بتتكلم ب تلفون ف الاول م ختيت حاجه بقول عادي مع الاهل اوصحباته وعمري م فكرته اتصنت عليها ولا احاول اعرف انها بتتكلم مع منو المهم اخته الموضوع عادي بس الليله انصدمه صدمه عمري والله وللان انا م مستوعبه الحاجه الشفتها والله حاسها زي خيال خيال . طوالي ف القروب هنا بتلاقيني استشارات عن النسوان البعمول علاقات مع رجال وكنت بستنكر الحاجه دي بقول ياخ م ممكن وعمري والله م تخيلته انو انا اجي ارسل استشاره عن الموضوع دا الليله انصدمه صدمت عمري يا ناس شلته تلفون امي قلتها ليها عايزه منو حاجه بعد الحاح ادتدني ليهو اول م فتحتو نزلت رساله من واحد وهو صاحب ابوي شديد وطوالي بجينا البيت حت علاقتو مع ابوي قويه شديد عشان بشتغلو ف نفس المجال لدرجه بياكل ويشرب معانا والله وابوي خاتيهو اخو عديل وطوالي بشكر فيهو لو حصل اي حاجه بلقي معاهو وعاجي بجي البيت وابوي بكون مافي هو م بقعد يعني بجي يشيل حاجه ويرجع وهو عندو عربيه لو حصلت لينا اي حاجه بجي يوصلنا وابوي بكون عارف يعني عادين الحاله واحدي بس الليل انصدمه فيهو والله لقيت منو رساله ف تلفون امي مصمونه غزر خلاص لمن قريت الرساله حسيت انو راسي لفه قريب ال5 دقايق انا م مستوعبه الحاصل كيف يعني يرسل كدا طيب وين خوتو صحبتو لي ابوي كيف يعاين لمره صحبو بطريقه العزره ولدرجه عايز يعمل معاها علاقه قلته احتمال هو البضايق امي بعد مسافه جيت لقيت الرساله ممسوحه وهنا اتاكدا انو امي م صاداهو واحتمال دي م اول مره يرسل كدا وتاكدا انو المكالمات دي معاهو

انا م عارفه اعمل شنو والله م عارفه حاسه ب نفسي مخنوقه والنفس باقي لي صعب امي لي تخون ابوي وهو لي يعمل كدا ف زول فتح ليهو بيتو قربته اجن من التفكير عليك الله ساعدوني من غير تجريح الفيني مكفيني انا م قادره اواجه امي ولا ح اقدر اقول ليها لي بتعملي كدا م عايزه اكرها م انو من شفته الرساله بحاول اتجنبه م اتكلم معاها وكمان م ح اقدر اسكت ع كدا وشوف ابوي مخدوع من امي ومن اعزه اصحابو م عارفه اعمل شنو اوري ابوي ولا اتكلم مع الراجل وولا اتكلم مع امي انا م عارفه اتصرف كيف عليك الله ادوني حل وروني اتصرف كيف ف الحاجه دي الله لا ضوقكم ليها ولا ختاكم محلي لانو بجد اصعب حاجه تشوف امك بتخون ابوك بتفقد احترامك ليها واي شي سمحه اعفو لي كلامي يمكن يكون م مرتب بس شهد الله عقلي واقف من التفكير”

 

سودافاكس

اضغط هنا للإنضمام لمجموعة الواتسب

اضغط هنا لبقية مجموعات الواتسب


اترك رد وناقش الاخرين

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.