اثارت الموديل السودانيه ايه افرو ضجه واسعه على مواقع التواصل الاجتماعي بعد ظهورها في فيديو وهي تبكي على عدم تمكنها من حضور فعاليات روائع الموجي.
وقالت ايه افرو ان شبابها قطاع وانها في طريقها لخساره 50,000 ريال سعودي كانت تتوقع ان تفوز بها خلال المهرجان يذكر انه ايه افرو تعرضت لنقد وهجوم حاد بسبب الظروف التي تمر بها البلاد من حرب مستقبله وكتبت الشاعر السودانيه داليا الياس قائله:
حاولتا أتجاوز فيديو (آية آفرو) لإعتبارات كتيرة… أولها إنى ما أديها شرف التريند على حساب البلد والجيش… وتانيها عشان أنا بعرفها بشكل شخصى وكتير كنت بحاول أجد ليها عذر تقديراً لتعاملها اللطيف و كونها لسه صغيرة وطايشة وشايلاها هاشمية الشهرة وبت طيبانة والناس إستغلتها و… و….. لكن صراحة زودتها شديد و غلبنى غلبنى غلبنى مرررررة!!
ماقدرتا أصفى النية نهائى… وواضح إنها محاولة لإستغلال (الخرفان) المساكين بشكل واضح والتأثير على عاطفتهم (الحوصاء) كالعادة!!!
ياخ الكلام ده عيييييب يا (آية) عييببب…!!
ولو فى زول بيهمه أمرك وبخاف عليك من أهلك ولا أصحابك مفروض يوعيك وينبهك… ومفروض والدتك الكريمة تقرصك فى وركك فى اللحظة دى… عشان لا ظروف البلد لا الوضع العام لا نفسيات الناس وظروفهم الخاصة بتستحمل إستفزازك وإنصرافيتك وإبتذالك وبجامتك الستان وشعراتك وكلامك الماسخ وتمثيليتك البايخة ديل!!
٥٠ ألف ريال شنو وفعاليات شنو وروائع موجى شنو البتبكى عليهم يابتى؟!! الناس ماتت… فقدت روحها وأرواح عزيزة… فقدت رأس مال بى مليارات… فقدت أمان وسلام وبيوت وشقا عمر… وبتفقد فى بلد كامل… ولا مابيهمك البلد ولا ناسها ولا مستقبلها؟!! ولا كونك من أصول ما سودانية زى مابتقولى نساك العشرة والعمر القضيتيه هنا والخير اللقيتيه فى بلدنا الطيبة المسكينة دى؟!!
عايزة تصلى لى شنو؟!… زول يعوضك ولا يعملوا ليك مبادرة ولا يلموا ليك شير ولا يكلموا ليك تركى آل الشيخ يعمل ليك فعالية براك شنو ما فاهمة؟!!
ياخ ما دايرة أفهم ذاتو…. زعلتا منك وقرفتا من تصرفك وما إحترمتك نهائى ولا لاقية ليك مبرر ولا بدافع عنك.
ومابرسل ليك فى الخاص…. طالما طلعتى بالفيديو العبيط التافه ده للعام فى محنة عامة… تتحملى بس… الله يهديك ويكفينا شرك وشر أمثالك يابت الناس!!!
قال ضيعنا مستقبلها وحتموت بالإكتئاب قال!!! €¥£§¥€£ ياخ!!
د(اليا) س