بلاغات طريفة ?
سنة ٩١ كنت ملازم في قسم الدرجة الأولى (العمارات) اها نصة نهار كدا جوا داخلين جماعة راجل وبت وأمها والبت شايلة ليها كلب زي ما بقولوا يا حلاة الدنيا عليهو ??( والله زي الفي الصورة المرفقة) والراجل أشنه من المستنير وهبة و Alaa Mansour Younis Tmbis و مردخاي حنانيا كيكوف ?? و الأم ميج ٢٩ والبت سوخوي عديل كدا ??
أها يا جماعة أن شاء الله خير الحاصل شنو : طوالي الزول الشين اتكلم ? والله يا جنابو أنا تبع ناس الكهرباء ودخلت على الجماعة ديل عشان اقرا العداد (قبل عدادات الدفع المقدم) اها وبعدين؟ والله كلب الجماعة ديل عضاني ?
طيب وين الكلب العضاك؟ هنا السوخوي دخلت في الخط ياهو يا جنابو (جوجو) ومعها رقرقة عيون و دموع كدا يازول دا ياهو الكلب العضاك ؟ ايوا يا جنابو! طيب يا أخينا نحن هسا أول حاجة حنعمله حنسعف الكلب ده ? ? وانت حندخلك الحراسة لحدي ما الكلب يجي راجع من المستشفي ولو مات حقك راح ?? الزول أنفقع بالضحك هههههههههه هههههههههه والله يا جنابو بالغت، قلت ليهو بالغت أنا والا أنت عليك الله في زول بشتكي جوجو و يجهجه الميج والسوخوي نصة نهار ?
طيب يا جماعة خلاص نجي للكلام الجد اعتذروا للراجل دا وادوهو حق الحقن just in case ويلا مع السلامة مع السلامة ? وما تنسوا بالله تعزمونا كرامة الكلب ان شاء الله رز بي لبن ?
بلاغات طريفة ?
