سودافاكس ـ تصريحات مثيرة للفنان السوداني عبدالله البعيو خلال استضافته في برنامج السرداب الذي يقدمه الإعلامي أحمد دندش.. و هذه أبرز مقتطفات من حديثه بحسب موقع خبر :
أنا في الجيش من 1970 وللآن بصرف معاش من قوات الشعب المسلحة و أنصار السنة عملوا لي غسيل مخ قالوا لي الغناء حرام و بسببهم وقفت خمس سنوات من الغناء
ما بحب لفظ قونات والبنات الظهرن في الساحة أصواتهن وأشكالهن جميلة وعندهن جمهور، مشكلتهن ما اختارن الكلام الحسن
الشيخ محمد مصطفى عبد القادر صديقي وحبيبي، كان بطلب مني أرفع الأذان لمن كنت أنصار سنة، لكن بعدها تعبني شديد بقول لي تبا لك و كمان محمد مصطفى عبد القادر مثقف وفنان لكن مشكلته أنه لاذع، و مفروض يكون بيننا ود ما يطلع فايلاتي كلها بعد خليتهم
عمري 75 سنة، أنا من أنصار المهدي لكن ما حزب أمة و ما عندي أي انتماء حزبي، و عاودني الحنين لفترة الإسلاميين و الإنقاذ لأنو في أمان، كنا بنجي من الحفلات نص الليل مافي زول بعترضنا، و أولادي كانوا بمشوا الاعتصام و ولدي قرب يموت هناك
غنيت في كافيهات القاهرة بسبب الحوجة، و الآن رفضت لأنو مافي تقييم بدوني عطية مزين قلت أحسن أقعد في البيت
طه سليمان ممتاز و نشيط و صوت جميل لكن ما مفروض يغني جناي البريدو، مفروض تغنيها بت، و كمان غناها بالدلوكة دا ما شغل رجال
ست الودع شاعرها مربي، معلم و مدير مدرسة و رافض الكشف عن اسمه
سودافاكس
