بعد القبض على النصاب الذي احتال على الاسر السودانية في الاسكندرية .. كتب: عبد الرحمن النذير قائلاً:
علي صابر النصب على السودانيين في مصر حصل لي معاهو موقف ٢٠١٧ اتواصل معاي أنا وعدد من افراد دفعتنا ،انو داير يعمل مبادرة شباب حول العالم ،عشان يربط شباب العالم مع بعض ويبني جسور محبه وتواصل وإخاء ،وحالياً عندو مشروع إستقبال المؤثرين السعوديين ،ويودينا ألمانيا عشان نحضر مؤتمر عن تداعيات تغيير المناخ وكيف نكافحه😂😂
*فكان عندو إيفنت في قاعة كانت مباشرة خلف الساحة الخضراء ،مشيت القاعة ولقيته جامع ألاف الناس وجايب ليهو لجنة منظمة ظريفة كده ،ومجرد ما وصل المنصة قاموا صفقوا ليهو وقالوا لينا قوموا على حيلكم وصفقوا للزول دا ،بقينا عاملين زي الشعب الكوري الشمالي مع الرئيس كيم جون 😂😂😂
*هنا الأمنجي الجواي أشتغل وقلت الوضع دا ما طبيعي الزول دا ما معروف ولا مؤثر لشنو الناس قاموا ليهو ؟!دا شكلو شغل دعاية متقدم !
*المهم كان عندو بروبوزال ظابط انو حيجيب كل لعيبة المنتخب السعودي وأبرز نجوم أفريقيا والوطن العربي ويعمل لينا دوري هنا ،وقال لي بما انو لاعب كورة فحتشتغل معانا في التنسيق ،،،قلت ليهو عديلة تب حبابك والله 😂
*سألت الناس الجنبي ديل قلت ليهم جيتو هنا كيف وبتعرفوا من وين قالوا لي أتواصل معانا بصورة شخصية وعرفت انهم بيدرسوا طب برضو في جامعات خاصه وناس وضعهم كويس ،،،،وأنهم دفعوا ليهو ٦ الف جنيه سوداني عشان يجيب ليهم تأشيرة ألمانيا ويسافروا مؤتمر تغيير المناخ ،وحسب كلامهم قال ليهم التقديم قفل خلاص 🤷🏽♂️🤷🏽♂️🤷🏽♂️
*لمن الحفل انتهى قعدت أتونست معاهو وشرح لي اكثر عن البرنامج وقال لي انت مفترض تسافر ألمانيا ،،،قلت ليهو موش التقديم انتهى قال لي عادي ممكن أجازف ليك تأشيرة ….!!
*بعد شوية بتذكر جو بنات من دفعتنا ،وسألتهم عن الموضوع وقالوا دفعوا ليهو قروش وماشين ألمانيا يحضرو المؤتمر😂😂😂😂
*أنا عرفت الحكاية دي نصباية عظيمة ،الزول دا شفشف آلاف الناس ومشو بلغوا فيهو ،،رجع ليهم قروشهم بعد سنه وناس تقريبا لسه ،،،،،غايتو الزول دا لعاب وحناك عبارة عن ليناردو ديجابريو في فلم catch me if you can 😂😂
*ربنا يعوض اهلنا النصب عليهم في مصر ،وينتقم منه ان شاءالل
