تنبيه و إنذا.ر لكل السودانيين و المسلمين القاعدين في دولة روسيا ، البلد ديك بقت دولة بو.ليسية و غـ.ير آمنة تماما و بختلقوا اي قصة عشان يمسكوك و يد.خلوك الجـ.يش تقاتـ.ل كمر.تزق في قصص كتييير وصلتني قبل كدا وبالاسفل دي آخر تجربة حصلت مع اخوي و صديقي موسى زمبولو اتمنى الناس يقروها و يحذ.رو ناسهم الهناك 👇👇👇👇
تحفظت جدا اشرح تفاصيل عودتي للسودان
لكن ح اكتب بالتفاصيل عشان ممكن تستفيد من الكلام ال ح يتكتب دا .
طيب مبدائيا انا مقيم ف روسيا وعندي فـ..يزا سارية واقا.مة سار.ية كمان .
انتقلت من مدينة الانا مقيم فيها لمدينة تانية لظروف عمل وكذا معروف روسيا فيد.رالية للجميع اي ولاية بتحكم بقوانينها .نحن ف العمل داهـ.متنا قوة من الشر.طة وطلبت جواز..اتنا واقا.ماتنا انا عندي وعندي كمان وفقا لكلام رئيسهم الكبير زاتو بوتين يجوز للاجا.نب المقيميين بطرق غير قا..نونية توفيق اوضاعهم عبر بوابات رسمية فتحتها الدولة برضو عملتها .
قا.نونيا انا قا.نوني ف روسيا بعد الاعتقال دا هو كان لطالما انا م كاسر فـ.يزا يجوز فقط تغر.يمي مبلغ من ٥٠ دولار ل ١٠٠ دولار مع الانذ.ار .
حصل العكس اقتا.دونا لمقرهم مع شباب تانين لكن م ح اذكر عنهم ولا عن جنــ..سياتهم .
مساء يوم الجمعة يوم ٢٠ شهر ٦ نهاية الدوام وضعونا اربعة اشخاص ف غر.فة متر في مترين .
مصممه بشكل م ح تتخيل سمكها متر او يزيد فيها كا.ميرا ولمبة قوية الاضاءة .بيطفوها اظن الساعه ١٠ مساء قعدنا هنا لحدي يوم السبت بد.ون اكل بدون اي شي لحدي المساء عملو لينا محـ..كمة صورية كدا في يوم اساسا اجازه .
قرارات المحكمة
تر.حيلنا الي دولنا اولا
و ثانيا تغر.يمنا ١٠٠ دولار
ثالثا ديبو.رت لعدم دخول روسيا مجددا لمدة ٥ سنوات
بس اذا انـ..ضممت للـ..جيش الروسي ح يسقط كل الفوق دا
كدا انا فهمت الغرض واظنك فهمت
رفعت الجلسة 😂
اكيد الاسئلة الحاضرة للاشخاص عندهم اقامات و فيـ..زا سارية ح تكون علي شكل لماذا!!!!
منها
بصـ..مونا
و مشينا لكا.مب فيه سـ..جناء برضو للترحيل اي شخص عنده اسبابه .شا.لو التلفون مني مع العلم انا شنطتي م شلتها لانو اساسا م متوقع الحكاية توصل للمستوى دا فيها كاميرا وتلفون شخصي بتواصل بيهو مع والدتي والاسرة وكرت الحسا.ب البنكي كل اغراضي الشخصية خليتها ف الغرفة والملابس في النهاية اتسـ..رقت كلها
انا شخصيا مع شباب اخرين نقلو.نا لمقر تاني بتكون من طابقين مصمم بشكل مـ..خيف جدا😁
اسمي بالر.وسي اخـ.مد موسى 😁
النشا.لنك المسؤولة من القسم دا نادت علي اتكلمت معاي بالرو.سي تجاوبت معاها قالت يا حبيبنا شـ..يل فنيلتك و السيو.تر ك دا برا شلتهم والبنـ..طلون كمان شيل كمان م تبقى 😂
اصبحت تلـ..يس كما يقال والله جد فتـ..شت الملابس كلها بالجزمة اللابسها اي حبل ف الجزمة او قاش شالتو برضو
هيا بناء الي اين ؟؟؟؟
ادخل تك ترق قفلت الباب من الخارج خشيت لقيت ٤ سراير وتربيزة اكل جابت لي ملاية وبيت المخدة وقطعة كدا اجفف بيها يدي و بطانية انا اطول منها .
اليوم الاول و الاسبوع الاول و التاني ادى عادي
بعدها الفراغ بقى يتملكني الشباب الكنت معاهم ٤ شباب لمن كنا بنتونس وما جايبين للدنيا خبر وزعتنا علي غر.ف مختلفه انت وحظك اذا الغرفة فيها اشخاص او لوحدك
الابواب بتتفتح من الخارج انت م ح تشوف شي ممكن تسمع اصوات ضحك او شخص بيـ..ضرب ف الابواب دي من العامل النفـ..سي و الفراغ و النهار الطويل طويل جدا بين جدران سمـ..يكة وعليها سته لمبات وحمام داخلي بالقرب من السرير و كا.ميرا بتبدا من الحمام وبتكشف الغرفة كلها يعني انت بتعمل شنو كلو هي شايفاهو .
عدت 17 يوم تقريبا جاني محا.مي
اتكلم ف نقطتين فقط مكـ..لف من الدولة
يمكنكم البقاء في رو.سيا وتقديم لـ..جوء.
يا الحبيب لـ..جوء وانا اساسا عندي فـ..يزا واقا.مة ؟
والتاني
يتم تر.حيلك الي السودان
قال اللـ..جوء ح يستقرق فترة ممكن تطول
فكرت كثيرا ف الامرين اللـ..جوء او مغادرة رو.سيا
قال لي الزمن يا حبيب قلت ليهو السودان .
لانو ف شاب فلـ..سطيني سابقا موجود سمعت عنه من السجناء من غـ…زة قعد فترة طويلة جدا بما انو اهل غـ..زة يستحقون اللـ…جوء .
قال لي للمرة الاخيرة اللـ..جوء ام المغادرة قلت ليهو السودان قال لي اخر شي قلت ليهو ايوة نعم .
الاسم رباعي رجعوني مرة تانية الابواب شبيه بي ابواب البقبلو بيها الخز.ن ف البنوك شي م تتـ..خيلو .
الفرا.غ انام عشرة دقائق واصحى بدا تدريجيا ياثر علي نفسـ.يتي وخاصة عندي كم دقيقة كدا بطلعوك ف اليوم مرة
يودوك حاجة اسمها بر.اغو.لكا يعني زي استراحة تمشو تد.خنو ولو ختو معاك شخص تتونس معاه واحيانا عادي تخت برضو لوحدك ف الغرف انا لا مد.خن ولا شيً اقرا الايات القرا.نية الحا.فظها لحدي انوم .
انوم واصحى جوة الفر.ن الانا فيهو دا النوم يكمل كل شي يكمل التفـ..كير يكمل .
في مربع صغير كدا بجيبو فيهو الاكل انا م بكون عندي نفس اكل اساسا بقعد ااكل بسر.عة سر.عه م بتذوق طعم الا.كل بحمدالله وارجع السرير معاي شخص واحد انا بسرح بالا.يات لحدي انوم وصحبي المعاي بكون شغال يلف ف الغرفة دي اقل حركة تصـ..حى تاني م بتنوم .
تنوم يصحيك يقول ليك م تنوم نفسي اتونس و اتكلم اقول اي شي .نتونس شوية نسكت مرة اسبوع صديقي دا بقى م بيا.كل اطلاقا من التو.تر و الخو.ف .
احنسو اشجعو ياكل ونرجع لنفس المربع غرفة نحن ف مربع مغلق بشكل محـ.كم نرجع لليوم الطويل احيانا اساهر يوم او يوم ونس عشان انوم ٦ ساعات بقيت اقعد لفترة طويلة بدون نو.م نهائي ير.هقك الـ.تفكير هو مصمم اصلا للشكل دا عشا.ن لو م اسـ..تحملت تقول اخير امشي الجـ..يش علي الاقل بدل العذ.اب دا .
شباب ماف شخص بضربك ولو سالت عن اي شي ايا كان ح يقول ليك يا نـ..يز نا.يو يعني م بعرف .
ح يغلق عليك الباب الشبيهه بي مخز.ن القر.وش دا وتقعد جوه تفكر ولو م داير تفكر زاتو ح تفكر لانو الفراغ كبير جدا
تسمع ناس بتضر.ب ف الابو.اب احيانا وناس تبـ.كي بدمو.عها و الناس داخل الغرف ك المجا.نيين .
قعدت علي الحالة دي مع انقطاع شبة تام عن اي شي ، يد.وك تلفون ١٥ دقيقه لو عندك رقم تتصل فيهو
انا عندي كذا رقم كاتبهم كنت بتكلم لمن يجي موعد التلفون دا بجر.ي جر.ي للشباك الصغير دا عشان بس اتنفس هواء من الخارج واشوف الممر دا شوية بريحني برجع السرير لنفس المنوال القديم .
ناس كتيره م بتسـ..تحمل لدرجة ف شباب هنود اتنين قطـ..عو شرا..ينهم بس مش الرئيسيه بس عشان يغيرو ليهم غرفة يكونو مع ناس علي الاقل .
الو.حدة و الفراغ قا.تل .
بحصل علي التلفون لدقائق بسيطه بتصل لأصدقائي اكتر حاجه كانت بتقلقني أمي لو عرفت تبقى مشـ.كلة كبيرة كنت
كنت بحـ.ذر انو ما تعرف لكن كانت حاسة في شي م طبيعي رسلت كذا شخص يتصرف يعرف عني شي بس ماف خبر .
وكنت بمنع الشباب انهم يجيو لي اي خبر سـ.يئ مهما كان عشان احافظ علي توا.زاني النفسي .
لانو كل المعاك وحتى انا علي مستوى ما غير طبيعي اسا.هر لساعات لايام انظر للحائط اتمشى احيانا داخل الفر.ن دا لساعات حتى احس بالتعب عشان اقدر انوم امارس رياضة وهكذا ك نوع من الانشغال افرتك شعري كلو و تاني اسرحو انشغل بيهو لساعات طويلة.
٣١ يوم مرت ك السنين انا مد.من سوشل ميديا شخص اجتماعي احب المشي بطريقة انت تحتار امشي مسافات طويلة احب السفر فجاة لقيت نفسي بين جد.ران اربعه و اضاءة ساطعه .
بمجرد استسلا.مك ح تدق الباب تجي بشتائم مالك ح تقول من الافضل اخش الجـ..يش من اقعد ف المسـ.لخ الذهني دا .
اسال عن اهل الفاشر وادعو الله يفرج عنهم
وهكذا .
الشباب ف الخارج قله العارفيين حذرت عشان م يصل الموضوع لامي .
بشكر
صديقي
وليد دفع الله
وابن اخي ادريس
وابن عمي سليمان كرسا و ابن خالي عمر اللحيمر
و ابوبكر شاب من البجراوية
و القنصل استاذ مرسى
برضو كان حتى ايام الاجازة يرد علي مكالماتي
وصديقي شوقار عبدو
واخي وصديقي حذيفة مصطفى
واخي وصديقي ايضا احمد جلال
والشباب الشاركوني بدون ذكر اسمائهم بمختلف جنسياتهم
ف الفترة الاخيرة تعـ..بت جدا لانو لفترة طويلة م اتكلمت يمكن يوم يعدي بدون كلمة
جابو لي من غرفة مجاورة شاب تر.كماني ربنا يفـ.ك اسره ليهو ٣ شهور وكمان اتضاعفت عليهو ٣ شهور تانيه وقابله تاني للتمديد.
كل يوم ويومين يطلع شخص قديم وهكذا ويجي اشخاص جدد.
حولوني بعد حجز التذ.كرة حجز.تها انا لانو اذا حجزتها الحكو.مة ممكن تستقرق ٣ شهور ولظروف الحر.ب ف السودان الر.حلات متباعدة جدا للسودان .
المسا.جين اللقيتهم ف المقر الحولوني فيهو مبني من خشب عادي ومريح وفيهو تلفزيون وحمامات تستحم وتمشي ليها مشوار بعيد ودي احسن حاجه كانت بالنسبة لي وغرفة مشاهده
كل المسا.جين جو غرفتي يسالوني عن المكان دا لانو هم عارفين المكان داك كـ.عب شديد لا يحتمل الاثر النـ.فسي فيهو حاجه سيئة جدا .
م نمت بصراحة الصباح رجعو لي تلفوني بعد ٣٢ يوم بدون م افتحو مكـ.بل دخلت مطا.ر بيتر مكـ.بل اليدين ك شخص مجر.م والله جدد وبخاصة انا افر.يقي .
نزلت من الطيارة مكـ.بل تاني لحدي غيرنا لمطار تاني كمان
نسيت اسمو وتاني محتاجين نسافر لمطار تاني اسمو دومو..ديفو بالمترو برضو مكبل بين ملايين الناس يحيطني ٣ اشخا.ص من الا.من .
غيرنا الخط تاني حق الميترو تقريبا ٤ ميترو.
وصلنا المطار الدولي دا مكـ.بل 😢😂
بلعتها في حناني افر.يقي تنميط مجر.م كبير .
شلت تذا..كري سمحو لي استخدم التلفون .
طبعا دخلت السـ.جن بي لبسة واحده وهسي الان لابسه م تسالني كنت بغسلها كيف🙂🤣
شرطو الاقا..مة حقتي رفضو يرجعوها لي
فكو القيد شلت من الشاب حق الا.من دا بور وشاحن شحنت تلفوني فتحتو .الرسائل و المكالمات صراحة م عندي نفس للكلام قفلت التلفون .
ركبت طيارة متجهه لي القاهرة وصلت بالليل اتونست كويس .جابو لينا اكل عربي ف الطيارة اكلت م نمت ليومين و غيرت ترانزيت للسودان .
وصلت بورتسودان شربت كباية قهوة 😂
لقيت بتاع التكس عندو كتاب قران قربت انساه معاي
كنت معذب الشباب يجيبو لي كتاب قران لمن كنت هناك بس م جاني.
الصورة دي ف مو.سكو لحظة فك قيو..دي وجوا..زي السوداني وحالتي النفسية باينه😆👇🏾
دي القصة كلها …..
