أكد الفنان المعتزل صلاح ولي أنه يمر بمرحلة جديدة في حياته بعد اعتزاله الغناء، داعياً الجميع إلى عدم الحكم على الأشخاص من ماضيهم، ومشيراً إلى أن الهداية نعمة من الله، كما طلب الدعاء له بالثبات، سائلاً الله أن يصلح حال السودان و يحقق الأمن و السلام لأهله.
حيث كتب الفنان صلاح ولي على صفحته الشخصية بموقع فيسبوك: (الحمد لله على كل حال. 🤍
يمكن في ناس عرفوني في زمن النطيط والغناء، وأنا ما ح أنكر الماضي، لأنو جزء من حياتي. لكن ربنا سبحانه وتعالى بغيّر الحال، و باب التوبة مفتوح لأي زول مهما كان ماضيهو.
الفنانة حنان بلوبلو تنعي الامير حمد بن خليفة
و الله يا جماعة مريت بفترة من أصعب الفترات في حياتي، وفهمت إنو الدنيا دي ما دايمة، وما في راحة حقيقية إلا لمن الواحد يقرب من ربنا.
أنا ما بكتب الكلام ده عشان أقول إني بقيت شيخ، ولا عشان أقول إني ما بغلط. لا والله… أنا زول زي أي زول، عندي تقصير، وبجاهد نفسي كل يوم، ومحتاج دعواتكم أكتر من أي حاجة.
لو في حاجة اتعلمتها من الحياة، فهي إنو ما تحكم على زول من ماضيهو. يمكن الزول البتشوفو اليوم بعيد، بكرة يكون أقرب لربنا منك ومني. والهداية دي نعمة من الله، ما بجهد زول ولا بشطارتو.
و تابع : كل المطلوب منكم تدعوا لي بالثبات، لأنو الثبات أصعب من البداية، وأسأل الله يغفر لي كل ما فات، ويصلح حالي وحالكم.
و ربنا يصلح حال السودان، ويحفظ أهلنا، ويلم شملنا، ويكتب لبلدنا الأمن والسلام، ويخفف عن كل زول فقد عزيز أو شردته الظروف.
وأخيراً… لو في يوم كنت سبب في فرحة زول، أو في يوم أخطأت في حق زول، أسأل الله يغفر لي، ويجعل خاتمتنا كلنا خاتمة خير.
اللهم ثبتنا على طاعتك، ولا تزغ قلوبنا بعد إذ هديتنا. 🤍)
سودافاكس
