الغربة ما مفروض تكون مجرد مجموعة مهام تنجزها.!
الشغل والالتزامات جزء مهم من حياة المغترب لكن #الغربة في النهاية حياة وعشان كده، محتاج تعرف برضو عاوز تعيش كيف !
ممكن تكون #مشغول جدًا لدرجة إنك ما عشت الحياة نفسها.
أو تتخيل زى ملايين المغتربين إنك عايش فى مشاكل .
دولة تستقطب عشرات المليارات من أموال المغتربين في الخليج خلال 3 أشهر
لما تبدأ ترتب حياتك، بتكتشف إن المشكلة ما كانت كبيرة زي ما كنت متخيل ، حل مشاكلك جزء من إنك تعيش حياتك بصورة طبيعية ، في واحدة من الاستشارات، قال لي :
«عندي مشكلة واحدة بس… إذا اتحلت، حياتي حتكون جنة.» !
بدأنا نتكلم عن حياته وتفاصيله المالية، ونراجع طريقة تعامله مع دخله ومصاريفه ، ما استعجلنا في الحل قبل ما نفهم المشكلة.
بدأنا نفكك الصورة جزء جزء:
#الدخل وين بمشي؟
#الصرف وين بزيد؟
شنو الأشياء الضرورية؟
شنو الحاجات الممكن تتغير؟
وأين بالضبط بيحصل الخلل؟
وخلال #ساعتين، الصورة بدأت توضح.
المشكلة ما كانت في الدخل نفسه.
ولا في كثرة الالتزامات.
المشكلة كانت الصرف #الزائد.
ولما عرفنا المشكلة الحقيقية، الحل بقى أوضح.
ما كان المطلوب منه إنه يحرم نفسه من كل شيء، ولا يوقف حياته، ولا يعيش في ضغط مستمر.
فقط يعيد ترتيب صرفه، يعرف أولوياته، ويضع حدود واضحة للأشياء البتسحب دخله بدون ما تضيف لحياته القيمة العاوزها .
المشكلة كانت واحدة فعلًا… لكن الوصول ليها كان محتاج نفهم الصورة كاملة ، وأحيانًا، أنت ما محتاج تغير حياتك كلها.
محتاج بس تعرف الحاجة الواحدة البتوقف حياتك من إنها تكون بالطريقة البتتمناها ، وعشان كده، حل مشاكلك ما رفاهية.
