مع التزايد الملحوظ لعدد المطاعم بالعاصمة السودانية الخرطوم ، و دخل العديد من المستثمرين في هذا المجال ، اصبحت المنافسة شيء لا بد منه ، و برزت العديد من المطاعم التي حازت على ارضاء الجميع ، واصبحت في المقدمة ، ولكن يدور السؤال حالياً حول ماهية المحافظة على هذا المستوى من الخدمات .
من بين هذه المطاعم ، مطعم حوش السرف الذي شيد على طراز يجمع بين الحداثة و التراث السوداني ، على شاطئ النيل ، بدأ المطعم بتقديم خدمات لا مثيل لها . ولكن سرعان ما تدهور بصورة مريعة ليصبح أحد اسوأ المطاعم السودانية من جميع النواحي مثل ( جودة الاكل ، النظافة ، الاسعار ، الخدمة ) .
وحكى العديد من الناس الذين اعرفهم تجارب سيئة مع هذا المطعم أبدئها لكم انا بتجربتين في غاية السوء حدثتا معي في اوقات متفاوتة .
التجربة الاولى تمثلت في زيارتي للمطعم لتناول وجبة الافطار ، قمت بطلب شوربة و سلطة وطلب اخر لا اذكره هو الطبق الاساسي ، وصلتني الشوربة باردة لدرجة انني اعتقدت انها عصير ، اما السلطة فكانت غير نظيفة وقليلة جداً ، وكانت الخدمة المقدمة من قبل الجرسونات سيئة للغاية ، وكذلك لم اجد شخصاً لأدفع له الحساب ، اذكر انني اضطررت للانتظار اكثر من 20 دقيقة قضيتها في البحث عن شخص ليستلم مني قيمة الاكل .
التجربة الثانية ، قمت باصطحاب عدد من زملائي لمطعم الحوش لتناول الغداء ، أقسم بالله انني وجدت صرصوراً داخل الاكل ، واليكم الملاحظات الاخرى : الخدمة سيئة للغاية ، كمية الطلب قليلة جداً لدرجة انها لا تكفي فرد واحد خصوصاً حجم البيتزا الكبيرة والتي اصابتني بالصدمة لصغر حجمها .
عدم الاهتمام بنظافة الاكل وكذلك وجود حشرات في السلطة و صرصور داخل الاكل ، الاسعار مرتفعة مقارنة بالكمية والجودة .
أما المطعم الثاني والذي اثار ضجة واسعة خلال الفترة الماضية هو ( دجاج كاك ) الذي انتشر في عدد من المناطق ، وقد اشتهر في الاونة الاخيرة بعدم نضج الاكل حيث ياتيتك طلب الدجاج وبداخلة دم ، وقد مررت بهذه التجربة اكثر من مرة حتى قررت مقاطعة المطعم نهائياً .
واليكم بعد التجارب الاخرى
رابع ايام العيد الان الساعه 11:05 مساءا
معقوله بس تتهان وبي قرشك كمان؟؟؟
بالجد عاوز اوريكم حاجه حصلت لي اليوم في مطعم الحوش.. طلبت من المنيو حاجه وللاسف جابو لي حاجه تانيه بعد 30 دقيقه بالزيط لمن شبعنا من الجوع؟؟؟
قلت معليش انتظرت وطلبت يجيبو لي ملح وشطه وبعض الرغيف… وللاسف لمن الاكل برد وبقي ما عنده طعم … ولا في زول عبرنا حتي….
واخيرا مشيت شلت الملح والشطه براي … والله زي ما بقوليكم…. والجرسونات بتفرجو علي!!!!
اضايقت وقلت اتكلم مع الاداره ناديت واحد من الجرسونات وقلتليه وين الاداره … عاين لي بزعل وقالي الاداره مافي وداك هو المسؤل ولو عايز تشتكي امش هناك ومشي خلاني!!!!!!!
وانا مندهش من طريقه التعامل.. !!!!!!!
تتخيلووووووو يا اخوانا تجي عشان تاكل وتقضي وقت ظريف مع اصحابك واهلك وتكون دي طريقه المعامله والتعامل في مكان كان مثال لجوده الاكل والتعامل الراقي والوجوه البتستقبلك ببشاشه … كلوووووو اتقلب 180 درجه …واصبح
اسواء اكل
اسواء تعامل من الاصطاف
تاخير في جلب الطلبات وتجيك غلط كمان وبعد ده كلووووو… يكون الاعتذار معليش..ولو ما عاجبك امشي اشتكي!!!!! طيب اشتي لمنوووو ؟؟؟
سؤالي…
وين الاداره؟؟؟؟؟
وين المتابعه؟؟؟؟؟
وين المشرف علي الاكل؟؟؟؟
كيف يتم توظيف العاملين من الجرسونات اللي هم بتعاملواا مع الزبون مباشره؟؟؟؟؟؟
الف سؤال مطروح لمن هم مالك ومديري مطعم الحوش..
الحاجه الجميله اللي كانت في مطعم الحوش للاسف انتهت وبقي اسواء من ..
يا ناس مطعم الحوش حصلوااا الكارثه قبل ان تقع ويستفحل الامر وتبقوا في يا رييييت!!!!
ونصيحه لمن اراد ان ياكل وهو جيعان ما يجي مطعم الحوش لانو حيموت من الجوع وسؤ الاكل والتعامل الغير راقي….. الا اذا كان لمالك ومديري مطعم الحوش رؤيه اخري لتغيير الواقع المزري الان.
ولي عوده
⭕⭕⭕⭕⭕⭕⭕⭕⭕⭕⭕⭕⭕⭕⭕
بالمناسبه طلبنا بارد ولمن جات الفاتوره كانت غير متضمنه البارد ولمن مشيت عشان اسال الكاشير قالي ااي ضمناها في الفاتوره مع الاكل؟؟؟!!!!!!!
لاحظو الVat
وservice
عجبي…. انا مفترض اخد حق ال Service ده لانه خدمت نفسي بي نفسي!!!!
كيفن يعني …. هو سيستم ولا حاجه تانيه ؟؟؟؟؟
وللتاكيد دي الفاتوره وشوفو البارد غير موجود
/////////////////////
كاااك كل الناس حباك ..
كاك فرع جبره مشينا طلبنا كيلو فراخ وطلب تاني بتاع فراخ ضمن الطلب الاخير رز وبطاطس وسلطه كلسلو الكاشير قالت عشرين دقيقه الطلبات طلعت بعد 35 دقيقه دقيت جرس وماف زول رد هلي وسكتا استلمتا الطلبات لاحظتا انو الحاجات بسيطه قولتا أشوفا اتفاجأتا انو لا رز لا بطاطس لا سلطه كلسلو سالت البت بتاعت الكاشير بي غضب دا شنو قالت لي الرز خلصان ومافي سلطه قولتا ليها ليييه قالت ماعارفه مابي يدي قولتا ليها و وين البي يدو اشرت لي علي واحد لتجهتا عليها وسالت وكان معاهو واحد تاني قالو بتاع السلطه الليلا اعتزر وقبل ما لسمع قصت البطاطس والرز قاطعتو قولتا لي معليش دي ماااشغلتي تشيل من قروش حاجات مافي؟؟؟ رد علي وقال لي يا أخت الدنيا عيد والناس ظروف ومن الصباح الشغلا دي ماشه كده زول فتح خشمو ماف قرب يقول لي يابتاعت المشاكل والفتن انتي مع بطالب بي حقي والله المهم بعد شكل طلبت يزيد الفراخ وزادو لي علي مضض …
الاكل 0/10
الزمن 0/10
وبعد دا فيها غش
#البلد-دي-ماشه-علي-وين …
+++++++++++++++++++++++
#تجربه اكتر من سيئه في كاك شارع المطار
انا وصحباتي مشينا امبارح طلبنا بروست واتفاجاءنا بااكل لا طعم لالون لارائحه هههههه ذي مابيقولو
#المهم تجربه ماحنكررا تاني
+++++++++++++++++++++++
بالغتوا معانا يا ناس كاك فرع جبرة
الليلة جبنا وجبة فاميلي من كاك القشرة المفروض تكون كرسبي بس دي اتحجرت عديل و الدجاج جوا احمممر زي الني في جزو اكلناهو كان كويس و جزو لا بس جابوها كبييييرة بالريش اللقيتو في الفراخ و انا باكل بطني طمت التقيم 2/10
بقلم : عماد حسنين
