أخبار

البربري يعلق غاضبا في (قروب فيس بوك)

عبر الفنان الشعبي يوسف عن غضبه من النقد الذي تعرضت له فرقته الإستعراضية داخل قروبات الفيسبوك وطالب البربري مديري القروب اإجتماعي بمراجعة التعليقات التي نحت منحى خطيراً

وكتب البربري في مداخلته على القروب : (الأهل والأحباب في قروب أفرو) في الفترة الأخيرة نزلت فيديوهات عن الفرقة وكانت بمثابة وقفة جميلة وإن كانت بها أساءات بس الناس إتجاوزت الإساءة بي نفس كبيرة لعدة أشياء أولها إحترام وجود العنصر الأهم النسائي

تاني حاجة إفتكرنا (دي تشغيله) من الشباب والناس عايزة تتونس بس ياريت كان يكون النقد والنصح بي طريقة أجمل وترتقي لي مستوى القروب ودا كان بكون أجمل وهادف ما علينا من كدا كل زول بعكس أخلاقه الشئ البي سببو نزلت البوست دا

إبتدأت التعليقات تصل البيوت وأهلها ودا شيئا مرفوض بي شدة نحنا هنا معاكم إتكلمو البريحكم بس مجرد الخروج من إطار الموضوع هنا يجوز لنا التصرف الذي يليق بمثل هذا المقام كلنا أخوان في هذا القروب شوفو ننفع بعض كيف ونستفيد من بعضنا بدل ما نقعد نخرب شئ جميل لمانا .

ختم مداخلته بقوله : (الأخوة في الإدارة لا نقول لكم لا تسمحو بتنزيل المقاطع بس نرجو مراقبة الردود للمصلحة العامة عشان الناس ما تتصرف من نفسها في حسم الأمور ويجئ اللوم على شعب (أفرو) أنشط وأجمل قروب الآن إكتفينا وربنا يجمعنا دايماً في الخير).

المجهر


أكتب تعليق

اضغط هنا لكتابة تعليق

This site uses Akismet to reduce spam. Learn how your comment data is processed.