وصفت بالصدمة الكبيرة .. تعرف على سعر أصغر سيارات جياد الجديدة Chery QQ
سودافاكس – اثار اعلان شركة شيري سودان chery sudan والخاص بسيارتها التي طرحت مؤخرا chery qq اثار ضجة كبيرة واحباط بين المواطنين وخلق حالة استهجان وانتقاد لسعرها و مقدم الاقساط الذي طرحت به.
لا سيما وان الكثير كان بانتظارها مع توقعات بسعر اقل و حديث الشركة عن وجود تخفيض للموظفين واساتذة الجامعات.
إقرأ ايضا: بشريات جديدة .. جياد تطرح أحدث سياراتها وتوفر الأقساط وتخفيضات لأساتذة الجامعات
وطرحت شركة شيري سيارتها الجديدة chery qq بمقدم 50٪ واقساط لمدة 24 .
وبلغ سعر السيارة 6.5 مليون جنية ( 6.5 مليار بالقديم) والقسط الاول بلغ ٣.٢٥ مليون ( ٣.٢٥ مليار ) وهو ما اثار استهجان متابعة صفحة الشركة على فيسبوك حيث قارن العديد منهم بين سعرها وسعر موديلات تعتبر افضل منها من وجهة نظرهم وبنصف السفر فقط.
وتاتي السيارة بمواصفات :
محرك 1.0
السرعة القصوى: 150 كيلومتر/ساعة
عدد البساتم : 3
عدد الصمامات : 12
سعة الوقود : 35 لتر
مقاس الاطارات : 165/60 R14
فيما تفاعل البعض مع تفاصيل الضمان التي كانت بحسب الاعلان : 100 كيلو متر او 5 سنوات.
وجاءت بعض التعليقات كالاتي:
Omer Abass
معقوله ادفع ٣٢٥٠٠٠٠ جنيه ويكون عندي قسط بمبلغ ١٣٥ الف جنيه لمده سنتين طيب احسن منها اشتري من السوق عربية i10 بي ٢٥٠٠ والباقي استفيد منو….
السوق افضل منكم عارفين
ماعندكم موظفين تسويق نهائي…
ممكن تشوفوا السعودية في تعاملها بالاقساط كيف مريح
وفي تعليق اخر كتب قائلا:
اسي دا سلوب اعلاني ليكم وين التسويق وين مميزات العربية البتخليني اشتريها وين المكنة وصرف البنزين بس طوالي جاريين للدفع
Magdi Mohammed
ياااخ انتو ما تجار صغار عشان تدسو الأسعار انتو شركه المفروض توضحو كلما يتعلق بالعربيه من مواصفات ومزايا – والأسعار بالكاش كم وبالاقساط بي كم والمقدم كم والضمان وقطع الغيار – الاحترافيه في التسويق ام شي
محمد السوريبة:
ياخ اقسم بالله العظيم الكلام ده م معقول ولا منطقي اول شي
لا يعقل ادفع 3 مليار و 250ج مقدم ويكون عندي اقساط بمبلغ ( 135 ) الف جنيه لمده سنتي
طيب أحسن منها اشتري من السوق عديل عربية i10 بي 2700 والباقي استفيد منو في اي مشروع وينتج أضعاف البتطلبوه ده .
السوق افضل منكم عارفين وبالمناسبة م تنسو انو ده انتاج وطني خالص مفترض تعززو الشراء لجمهور الشعب السوداني
ماعندكم موظفين تسويق نهائي للأسف الشديد ..
ممكن تشوفوا السعودية والبحرين والكويت والإمارات في تعاملهم بالاقساط كيف مريح وتفاصيلهم البنكي
…
#للمعلومية
سعرها في الصي
US$ 9,600
يعني لو جبتها من الصين وجمركتها أرخص لي منك
انتو بي ألف مر
مستغرب منكم انتو مصنع ولا سماسرة كرين ولا وكيل ولا شنؤ
ده حالتو تابع للقوات المسلح
الله المستعان
✨ة؟هم ن:.ة .نلله المستعان ✨
Ali Awad
لو ب 500الف برضو ما ناافعه ..
كوالتي مواد تصنيعها رديئة جداً
Sheraz Saber
بدل ادفع ٣٢٥٠ عشان علبة الصلصة دي وكل شهر قسط ١٠٠ وحاجة احسن اتم عليها ٢٥٠ واشتري لي عربية عديل لو ما خليتو حركاتكم دي ما ح تعبرو????
Haitham Osman
حتقعد عندكم في المخازن لما تصدى ياخي قولوا بي 1500000 ج او مليار و700 وبالتقسيط كده بتنافسوا الفي السوق لكن نصف المقدم ده بيجيب لي احسن منها مليون مره ارجو من الشركه مراجعه الأمر شكلوا الصينيين ركبوكم ماسوره اصحوا يا إدارة جياد
المصدر: سودافاكس
