شكـــــــراً جزيــــــلاً يا قـــــدر
هســـع خلاص؟؟
أبكيكي و اتيقن بـــراي
إنك بقيتي علي السكــوت؟؟
أنا لســه ما تميت كلامي أقيفي ياخي
الدنيـــا ما بتقلع غصب
راجاكي في نص الدرب
واقفه وبطقطـــق في أصابعين القدر
دايره اشـــدهو و منك يفوت
بس إنتي أمرقـــي بي وراي
خليكي في ضــل البيوت
لو حس بس إنــك معاي
ما تخافي تاني بحاولو ليك
يمكن يطش يقنــع براهو
يشوفلو زول غيرك يموت
إستغفر الله العظيــــــم….
معقولــــــــــــــــــــه؟؟؟؟؟
نتقاسم معاها اللقمه والمويه الحــلال
حتى الكدر قاسمنا نـــص بالنـــص زمان
غالبنا نتقاسم عمـــــــر؟؟؟
لي ما بتشاوري الناس براك تتصرفــي؟
وقبال نتم باقي الســـؤال
بتقولي والله القـــدر
نحن القدر عارفنو زييييين
وما فينا أصلاً زول كفـــر
ياااااااربي تلهمنا الثبات
يا واحد ادينا الصبــر
عارفين دروبنا على الممـــــات
لكن كمان الغاليه ضواية الضـــلام
وجعتنا فيها أبت تمـــــوت
والله زي كي الجـــمر
ايمان ابنعوف
