مرشح رئاسي: الشغلة دي قربت تسقط شديد… هناك كلام عّن التضحية بالبشير ربما تكون وشيكة!
كتب الدكتور أنور دفع الله ، الذي قدم نفسه كمرشح لرئاسة جمهورية السودان ، وهو اكاديمي و ناشط سياسي نشر عبر حسابه بموقع التواصل الاجتماعي فيسبوك متحدثاً عن وجود تسريبات بأن الحزب الحاكم أو ربما الحركة الاسلامية ستضحي بالرئيس البشير ، وقال أنور في منشوره :
أنور دفع الله :
الشغلة دي قربت تسقط شديد… هناك كلام عّن التضحية بالبشير ربما تكون وشيكة!
الكيزان شغالين باخر نفس الان… يبحثون عن قط أسود في غرفة مظلمة… واللذيذ انه لا يوجد قط داخلها!
كلما اعتقلوا زول بيفتكروا انو الحراك انتهى وخلاص حا يرفعوا التقرير النهائي!
حليلكم يا نايمين على حيلكم… يا دوب في شباب اقتنعوا بأنكم محض لصوص قتلة!
—-
الوصية بالمهلة :
الخطة ج …
الناشطون على منصات التواصل الاجتماعي (عارفين نفسكم) هناك قائمة اعتقال لأي ناشط في تقديري تلزموا أماكنكم مع تأمين عالي جدا… ما تذكر اسمك في مكالمة تلفون ولا تذكر موقعك جغرافيا وين.
لا تستخدموا نفس الأرقام … ممكن تشيل رقم زول تاني… لو شبكتك زين، استخدم ام تي ان او سوداني… وهكذا … ولا نفس التلفونات… شيل تلفون زول تاني وقضي بيهو امورك.
قد يتم دردقتك بواسطة زول/ة بتعرفوا… أوعا الدقسة…فعّل أقصى درجات الشك.
الناس البتتكلم معاهم يوميا فعّل معاهم سرّ الليل.
اعتقال المناضل لا يعني موت القضية!
الله خير حافظا
