سلفي سوداني: استخدام الكمامة للوقاية من كورونا “شرك بالله”

أثار “شيخ ” سوداني يدعى أبو عمير الدنقلاوي وهو أحد المتشددين ، اثار سخرية واسعة عبر مواقع التواصل الاجتماعي عقب مطالبته بعدم استخدام الكمامة للوقاية من فيروس كورونا .

ووصف ابوعمير الدنقلاوي لبس الكمامة بأنه شرك بالله حيث كتب منشوراً طويلاً تورده شبكة سودافاكس ادناه :

من تعلق كمامة فقد أشرك

لافرق عندي البتة بين زول علق ليهو حجاب من العين وبين زول علق ليهو كمامة من الكورونا
لافرق البتة بين زول علق ليهو كمون او ربط ليهو خيط وبين زول ربط ليهو كمامة من الكورونا
الفرق شنو يعني !! يعني بس عشان دي عملها ليك فكي بقت شرك وديك عشان عملها ليك دكتور أو صيدلاني بقت ماشرك
والله – الله لو داير يجيب ليك كورونا كمامتك دي مابتمنعوا – لو ربطت في نخرتك دي شوال بتاع كمامات بتجيك بتجيك – لو رجعتا وخشيت في بطن أمك الله لو كاتب ليك المرض المزعوم دا بيجيك بيجيك

قبل فترة برضو كانت في موضة برضو بتاعت حجاب حديث – قالوا حجاب ضد الرطوبة وهو كان عبارة عن قويشة بتاعت صفر أو نحاس الله أعلم قالوا دي بتعالج الرطوبة او تحمي لابسها من الرطوبة تلقى ليك عمك كبير شنبوا يربط ولابس ليهو قويشة تحميه وتصونه من الرطوبة

عمران بن الحصين الصحابي الجليل رضي الله عنه لقى ليهو واحد لابس القويشة دي ذاتها -قال ليهو دي شنو القويشة الإنت لابسها دي يازول – قال ليهو لابسة من الواهنة – والواهنة من الوهن و ياها الرطوبة ذاتها – قال ليهو أنا لابس القويشة دي من الرطوبة

قال ليهو إنزعها فإنها لن تزيدك إلا وهناً وبين له أنه واقع في الشرك
وقد جاء ذلك في السنة لأبي بكر الخلال عن عمران بن حصين: أنه رأى في يد رجل حلقة من صفر , قال: فقال: «ما هذه؟» قال: من الواهنة , قال: فقال: «أما إنها لن تزيدك إلا وهنا، ولو مت وأنت ترى أنها نافعتك، لمت على غير ملة الفطرة»
+
عن الحسن عن عمران بن حصين أنه دخل علي رسول الله صلى الله عليه وسلم وفي عضده حلقة من صفر فقال: “ما هذه” قال من الواهنة قال: “أيسرك أن توكل إليها انبذها عنك
+
عن يحيى بن الجزار قال دخل عبد الله على امرأة وفي عنقها شيء معقود فجذبه فقطعه ثم قال لقد أصبح آل عبد الله أغنياء أن يشركوا بالله ما لم ينزل به سلطانا ثم قال سمعت رسول الله صلى الله عليه وسلم يقول: “إن الرقى والتمائم والتولة شرك” قالوا يا أبا عبد الرحمن هذه الرقى والتمائم قد عرفناها فما التولة قال شيء تصنعه النساء يتحببن إلى أزواجهن.

+
دخل حذيفة على رجل مريض ووجده قد علق خيطاً قال: ما هذا؟ قال: من الحمى، فقطعه وتلا قوله تعالى: وَمَا يُؤْمِنُ أَكْثَرُهُمْ بِاللَّهِ إِلَّا وَهُمْ مُشْرِكُونَ