محمد مصطفى عبد القادر يهاجم حملة (القومة للسودان)
هاجم الداعية المثير للجدل محمد مصطفى عبد القادر الحملة القومية (القومة للسودان) التي أعلن عنها رئيس الوزراء د. عبدالله حمدوك يوم الخميس. وقال محمد المصطفى عبر منبره بالمسجد مخاطباً المواطنين الذين تفاعلوا مع الحملة: (قبل القومة للسودان لازم تلتزم بالدين، وقوم لله أول حاجة، غيروا سلوكياتكم وأنفسكم وبعدها غير البلد، لأن الله لا يغير ما بقوم حتى يغيروا ما بأنفسهم، وكلامي دا ما تفهم معناهو إنو ما تشتغل للبلد.
إشتغل للبلد .. وخليك صادق وفي محلك إشتغل كمدرس كصانع كتاجر .. ولو عندك قروش قدمها لأهل البلد لتؤجر فيها.
ولكن لما تربطها بسياسات ومفاهيم هذا وذاك، وفكرة قد تكون بتاعة شيوعية تريد تبنيها، فإنني أقول أن القضية قضية إيمان قبل كل شيئ).
صحيفة الانتباهة
