أستاذ جامعي سوداني: الجميلات من الطالبات بزيدهن 10 درجات إضافية في التصحيح لانو الجمال لازم يُقيّٓم
كتب الاستاذ الجامعي الباحث في الفلك السوداني د. أنور أحمد عثمان: ديل جزء من طلبتي عندما كنت أستاذا متعاونا بقسم الفلك والارصاد بجامعة امدرمان الاسلامية لمدة اربع سنوات… الآن بعض منهم في مرحلة الدكتوراه.. ماشاء الله… .. كنت ادرسهم مادة اساسيات علم الفلك سنة اولى..كانو طلبة اذكياء جداَ وممتازين رغم ان بعضهم بيسف صاعوط جوة الفصل وبعضهم بيدخل القاعة ب سفنجة وقميص بدون زراير… وأضاف: وكنت اضع الامتحانات جميعها للبنات والاولاد واصححها واستخرج النتائج… .. و انجحهم جميعا وبمعدلات عالية بتقديرات جيد وما فوق وكنت اكشف لهم ٨٠٪ من الامتحان.. (كدة بس.. لانو الامتحان ماهو دليل علي ذكاء وتفوق الطالب.. دا رايي..) ___ اما البنات ف كلهن نجاح(كنت اضع الامتحان لهن واصحح ومعرفتي بهن كبيرة) .
والجميلات من البنات بزيدهن 10 نمر إضافية لانو الجمال لازم يُقيّٓم والجميلة لازم تتفوق وتنجح حتى لو جابت ورقة الامتحان فاضية.. برضو ناجحة.. (عليكم الله في جميلة بتسقط يا جماعة؟؟؟).
الخرطوم: (كوش نيوز)
