إبراهيم بقال سراج: البشاكل ما بقول ” عوقتني “

■ البشاكل ما بقول ” عوقتني ”

خلينا الشفع الصغار المن حطين المدورنهم … ونبدأ الحرب مع المدورهم زاتو …
▪︎ الشجرة لما تقطعوا من جزورو الصفق الصغار والفروع بنشف براهو …
● لكل فعل ردة فعل وطول ما انت تستهدف وتتآمر ضدنا نحن لن نصمت ولن نتجاوز … وانا لا حرامي لا سراق وبعد دا كلو بتقولوا ينتصر لنفسه وذاته ”
● وبعد كدا اضربوني رصاص عدل والتمطر حصو …
▪︎ سيدنا يوسف عندما اتُهم لم يصمت بل دافع عن نفسه وقال ” هي راودتني عن نفسي ”
فالدفاع عن النفس واجب …
بسم الله نبدأ بالحاجات الصغيرة جداً
▪︎ ال مخزن 21 عربية من عربات ” قطاع ال …. ” وطلب مني اتوسط له لدي الجهات المسؤلة لتقنينها وتحويل ملكيتها من الحزب لملك شخصي منو ؟ ولما رفضت هذا قال شنو ؟
▪︎ الراكب عربية الحزب وادعي ان العربة قد تمت سرقتها وتم القبض علي العربة وهي كانت مخزنة في …….. ؟ منو ؟
▪︎ المشغل عربات التنظيم ليموزين منو ؟
▪︎ الكان مقبوض في لجنة التمكين ومؤجر عربية التنظيم واشتري عربية من داخل المعتقل منو ؟
▪︎ الشال ميزانية ” وقفة طرد فولكر ” 8 مليار وكبرها منو ؟
▪︎ القال عندو 200 نفر وشغال بيهم استثمار في كل وقفة احتجاجية بيأخد مبالغ قصادهم منو ؟
▪︎ منظومة الاعلام في المبادرة تصورها كانت كم واخدت كم والشال المبالغ بتاع ال 100 صحفي ووزع لكل صحفي 3 الف ج في ظرف وقام بالباقي منو وفي التصور مكتوب كم ؟ صحفين زاتهم رخاص قيمتهم 3 الف بس ؟؟؟
▪︎ حملة اختونا مبالغها كان كم والشالها منو ؟ والحملة حققت شنو ؟
▪︎ حملة كلنا عطاء من يديرها وكم مبالغها ؟
▪︎ الطلاب الكانوا بحرقو ليكم اللساتك في لفة سراج كبري ود البشير … الخ بتوزعو ليهم كم وبتقبضوا بأسمهم كم ؟
▪︎ ميزانية 30 يونيو 2020 كان كم والاستلم الميزانية منو ؟
▪︎ منو السلم اللستة بالاسماء للناس الجو من الولايات 30 يونيو الفااااات وتم اعتقالهم بالاسم من اماكن النزل ؟ وقبض كم من وجدي ومناع ؟
▪︎ منو القدم تصورات لمبادرات لعادل دقلو وطلب تمويلها ؟ ومنو الطلب منا وساطة للدخول للدعم السريع ومنو المشي السعودية ؟
▪︎ القاعد برة السودان في السعودية قبضت كم الف دولار مقابل ادعاءك بقفل صفحات قحت ؟ وهل تم قفل الصفحات ؟
▪︎ الفكرة هي إشخاص ووعاء بيحملوها الناس
▪︎ نعم التنظيم والحركة فكرة يتبناها اشخاص والذين يستهدفون ويديرون الحملات والغرف المغلقة هم اشخاص يمثلون الفكرة والتنظيم ونعرفهم جميعاً وما دام مافي جهة في التنظيم مسئول عنهم نحن نلزمهم حدهم …
● طول ما انت تستهدف لن نربع ايدينا ونتفرج ونتجاوز لا والله ستجد الرد أقوي …
● سنجيب علي كل هذه الاسئلة اعلاه بالتفصيل عبر لايف … زمن اللايف ” يحدد لاحقاً ” وبنوريكم الساعة كم ؟
▪︎ وزي ما قلت ليكم اضربونا طلقة بعد كدا والله لن تنالوا منا شعرة وزي ما قال ليكم حارب عمر حنفرتكم صامولة صامولة بعد كدا .. لطالما انت قررت تستفزني وتستهدفني استهداف متعمد انا سأنتهي منك للأبد …
● وما علينا من يستفيد من هذا الصراع ، فالحرب فيها خسائر ومافي زول بشاكل وبقول عوقتني ؟
” يكيدون كيدا واكيد كيدا ” ويمكرون ويمكر الله والله خير الماكرين ”

إبراهيم بقال سراج