سودانية في العشرين من عمرها تشكو وتطلب المساعدة: والدتي تريد أن تطلقني من زوجي الذي أحبه ويحبني لأغرب سبب وتقول لي: (ما عافية منك لو ما اتطلقتي منه) فماذا أفعل؟
نشرت سودانية في العشرين من عمرها استشارة عبر إحدى الصفحات التي تنشط على عملاق مواقع التواصل الاجتماعي فيسبوك والمتخصصة في نشر الاستشارات العاطفية لمناقشتها.
وقالت الشابة في استشارتها التي تابعتها محررة موقع النيلين: (والله العظيم اقول الحق ولا شي غير الحق)
انا طالبه جامعيه خريجه بعد ٣ شهور بإذن الله عمري ٢٤ سنه متزوجه زوجي عمره ٢٥ سنه اتزوجنا عن حب دام ٣ سنه وأخيراً اتزوجنا باختصار عانينا معاناه شديده بالأخص امي كانت رافضه في ٣ سنه دي حاولنا بكل الطرق نقنعها بس دايما بتقابلنا بالرفض خصوصا هي المربيه وهي الام والاب لانو ابوي متوفي وهي عارفه انو ما في زول بعارض قرارها هي كان قرراها اني اتزوج زول هي اختارتو بحجه انو زول قادر وعندو مليارات الجينهات.
وتابعت: انا قولته ليها يا أمي ربنا يزيدو اكتر واكتر بس انا ما بتزوج لي زول بس عشان عندو قروش بالنسبه لي في حاجات تانيه اهم من القروش قالت لي ان شاءالله تتزوجي يوم واحد ويطلقك المهم تتزوجي الزول الانا اختروا قولته ليها انا ما بتزوج لي زول بس عشان ارضيك او ارضي الناس انا لما اتزوج بتزوج زول اكمل معاه باقي حياتي وانا و زوجي الحمد لله متفاهمين شديد وبنحب بعض لحد الجنون وقادر يعيشني حياه اي واحده في الدنيا تتمناها.
وأضافت بحسب ما نقلت عنها محررة موقع النيلين: بس امي مُصرة انو انا لو اتزوجته الزول ده هي ما عافيه لي عندي اخوي الكبير لما حاول كتير معاها وما اقتنعت طوالي عقد لي ومن يوم ما عقد لي وهي مخصماني وقاطعتني وقالت لاخواني لو عايزة اني اعفي ليها لازم تطلق بعدها انا بعفي ليها.
وختمت استشارتها التي وجدت تعاطف المئات: انا يا جماعه ما عايزة اطلق الحمدلله عايشه حياتي وما ناقصني شي وزوجي قال ليها انتي اطلبي اي شي وانا مستعد اعملوا ليك وارضيك مقابل أنك تعفي ليها بس هي ما طلبت شي غير الطلاق شوروا عليا اعمل شنو انا قي الحته دي.
الخرطوم (كوش نيوز)
