بعيدا عن اللغط الحاصل موضوع بعض الايفنتات المنتشرة
في جزئية معينة حيرتني
أول مرة أسمع صاحب فكرة الايفنت هو منفذ الايفنت وهو مقدم الايفنت وهو مسوق للايفنت
أولا الايفينتات دي بتكون فكرة لشركة أو جهة معينة
بتشوف انه فلان ده يكون ضمن الايفنت سواء كان شخصية سودانية أو غير سودانية داخل السودان أو خارجه …
وبتواصلوا مع الشخصية دي وبتفقوا معاه على كل الترتيبات والمستحقات المادية…هنا جات ناس ولا ماجات هو بكون أخد مستحقاته المادية كاملة…لأنه الجهة المنفذة مابتعتمد على التذاكر…بتعتمد على الشراكات والجهات الراعية للايفنت. ..من هنا التذاكر قيمتها بتكون معقولة..وأحيانا زهيدة وأحيانا مجانية أو على الاقل فيها سحوبات لتذاكر مجانية…
الحاجة دي ذاتها بتحفظ ماء وجهك كمقدم او احد مقدمين الايفنت انه دي مامهتك التسويق مهمة الجهة المنظمة اللي قادرة تسوق للايفنت بوسائل اعلامية واعلانية مختلفة ومحترفة
يعني ما انت اللي بتنادي الناس تحضرك ولا دي مهمتك وما حلوة في حقك
اخيرا اذا مافي شركة او جهة راودتها فكرة انه تدعوك وتتكفل بتفاصيلك من والى عشان تجي تخاطب الناس..في حين انه حصلت كتير للمؤثرين شفنا شخصيات فنية وقامات شعرية وخبراء تنمية بشرية وخبراء اقتصاد ومال وأعمال تمت دعوتهم للسودان وكانت ايفنتات ناجحة ومحضورة جماهيريا..يستحسن انه يكون محتواك العادي يكون متاح في المنصات
ده أكرم ليك
تانيا معظم البرامج دي بتكون دسمة يعني ما بتعتمد على شخص واحد موجود في المنصة…بكون البرنامج متنوع وفقراته كتيرة ومعدة بإتقان بس يعني …
ياخي الفنانات ديل اسه كل يوم شغالين حفلات يوم ماشفنا واحدة قالت تعالوا احضروني…كتيرهم برفعوا بوستر لإعلام الناس لانه في جهة منظمة
اخيرا اخيرا
انت عايز تسوق للايفنت بتكلم الناس مرة واحدة باليوم المحدد مش بتذكرهم كل يوم …الناس براها بتكون متذكرة اليوم …..يفترض يعني