آخر تحديثات المعابر الحدودية مع مصر

كتبت الناشطة السودانية على موقع التواصل الاجتماعي فيسبوك الاء بيك تحديثا عن حالة الحركة في معبر ارقين البري الحدودي مع مصر :

? الليلة المعبر قاااافل ما فتح من الصباح ومافي اي باص دخل وما تصدقو اي كلام بتقال انا هنا من يوم الخميس العصر
? اي باص وصل المعبر السوداني امبارح اصلا ما خلوهو يتخطى البوابة السودانية ودا طلب من السلطات المصرية ولحدي هسي مصيرهم برضو ما معروف
? انا باصي رقم خمسة في الصف قبل شوية ضابط الجوازات المصري طلع الباص الاول اللي في البوابة وقال ليهم مافي اي زول عندو تاشيرة دخول اللي هي من الليلة قرارها اتطبق على الناس ما حيدخل
حتى لو كملتو اجراءات الخروج من المعبر السوداني
? مافي اي زول يحاول يتحرك ويتهور يخوانا الوضع هنا كعب وصعب شديد والجو كعب شديد
? اي تأشيرة من الخرطوم ( قديمة يعني ) ما مقبولة بالنسبة للشباب هم عايزين تاشيرات جديدة من حلفا او من بورتسودان
? اي زول عنده اقامة في اي بلد تاني برضو ما مسموح ليهو يدخل

يخوانا الوضع صعب مافي زول يتحرك ويتهور