عن إصدار الجوازات في بورتسودان ! .. مافي زول يجازف يجي

مؤمن محمد2023-07-04

كتب الشاب محمد طه عبيد عن إصدار الجوازات في بورتسودان :
قمنا ظهر اليوم الإثنين ٣ يوليو بزيارة (تفقدية) للمبنى الحيكون فيه مصنع الجوازات، والخلاصة كالتالي:
– في صيانة حالية داخل المبنى لإستيعاب المصنع الجديد.
– بحسب إفادة عمال البناء، الصيانة متوقع تنتهي في خلال أسبوعين.

بعد الأسبوعين المصنع (أو المكنة) حتتركب (بإفتراض إنها أصلا وصلت أو حتصل في الفترة الجاية دي)
ما في أي معلومة عن تاريخ البدء في العمل وإصدار الجوازات لا من المتواجدين في مبنى المغتربين (الحيكون فيه المصنع)، ولا من ضباط شرطة جوازات بورتسودان.

مافي زول يجازف يجي بورتسودان، الإيجارات غالية والجو ماشي يسخن والكهرباء رجعت تقطع تاني اليوم.
مالم يتم إعلان المباشرة في إصدار الجوازات، لا داعي أبدا للسفر لبورتسودان.

Screenshot 20230704 092733 Samsung Internet