قصة السوداني الذي هاجر من أمان اوروبا إلي جحيم الحرب في السودان لينقذ من يستطيع ❤️

#قصة الرجل الذي هاجر من أمان اوربا إلي جحيم الحرب في السودان لينقذ من يستطيع ❤️

الليلة في النو جانا دكتور سوداني من أيرلندا كان مقيم هناك اتحرك يوم الاحد من أيرلندا و وصل امبارح ركب طيارات جواً و ركب برا لحدي ما وصلنا في أقاصي أمدرمان جاي يشتغل عمليات جراحية و رجعنا تاني في النو نشتغل عمليات إصابات الطلق الناري

جانا #مستر #هشامهجانة بعد لينا أسابيع وقفنا عمليات بسبب ظروف كتيرة حاصلة في #المستشفيالنو .
طلع من عمليات قبل شوية ح يرتاح شوية و يرجع يواصل تاني الصباح نايم بي عراقي ? بعد جازفنا ليهو سرير في المستشفي أختار انو يسكن هنا عشان يكون قريب لو حصلت اي طوارئ

مستر هشام هجانة أخصائي جاء من حتة آمنة لي منطقة حرب و موت جاء عشان يحاول ينقذ من تبقي من أبناء شعبه
ناس بتجي مناطق الحرب عشان تساعد ❤️ لانو دي بلدهم و احتاجتهم

الدكتور دا حسا انو دا دورو الممكن يقوم بيهو و يساعد بيهو ف اي زول فينا يقومو بدورو اتجاه الحرب دي عشان تقيف و عشان نقلل خسائرا و نوقف الموت
اي زول ممكن يساعد بي يدو بي مالو بي زمنو بي خبرتو
كلنا سودانيين و سودانيتنا تجمعنا
اتواصلو معانا نوريكم كيف تساعدو و راسلونا و تابعونا نوريكم الحاصل
تحياتنا والله لمستر هشام و لمن سبقه
شير عشان الناس تعرف بالقصة دي قصة فيها أمل و حب وطن و مجازفات
والكثير من التضحيات و الخير
ومن أجل الشعب السوداني قدام المدفع تلقاني
ولست مهزومًا ما دمت تقاوم

https://facebook.com/story.php?story_fbid=pfbid0CYrhxkV77JVaFgg92fGshd9fx4eBpnUfTJGKUaaEmv2rHF1Q2enQWjujyQqPhgptl&id=100003558316198&mibextid=Nif5oz

انضم لقروب الواتسب