عزباء تخطت الـ50 سنة تستعد للزواج وتسال أسئلة محرجة وتطلب عدم التجريح

تسائلت إحدى النساء التي تخطت الخمسون من العمر ولم يسبق لها الزواج على موقع التواصل الاجتماعي “فيس بوك” عن الزواج، خاصة لأنها عروس وتتزوج قريبا لكن بسبب تقدمها في العمر لا تعرف كيفة تهتم بنفسها أو تستعد للزواج، ولكنها طلبت في منشورها عدم التجريح والسب من المتزوجات.
وكتبت المرأة في منشورها: «بنات انا كبيره عديت الخمسين الحمدلله راضيه بنصيبي…. جايلي عريس وانا طول عمري معرفش اي حاجه عن لبس الستات وبيكونوا عاملين ازاي في بيوتهم…. هو را جل كويس عنده55. ارمل… اولاده متجوزين… فهموني بس المفروض اجيب ايه والبس ايه وعايزه رائحتي تكون حلوه طول اليوم… اسم ريحه ثابت وجميل وبلاش تجريح الجوز نصيب… وانا طول عمري مابين شغلي وبيت ابويا لا عمري اتكلمت مع واحده وسالتها لان طبعا كانوا بيخافوا من الحسد….. وشكرا لكم…. بالله عليكم ماتشتموا اللي تعرف اي معلومه تقولها من غير تجريج».
ولكن كانت التعليقات عكس ما توقعت العروس، حيث احتفلت بها النساء وشجعتها بأفكار لتسعدها، وإليك أبرز التعليقات:
كتبت ولاء: «وبجد ربنا يفرح قلبك ويعوضك ومفيش اي حاجه تتكسفي منها انتي مفكيش غلط حتي لو اتاخرتي شويه ده نصيب لاكن مش. عيب والي يقول غير كده مريض».
وقالت حسناء: «والى هيشتم يشتم ليه يعني الجواز ده نصيب وانتى تحترمي والله عشتى لاهلك لحد ماجالك نصيبك ربنا يتمم بخير ويفرح قلبك يارب .. اهم حاجه روح مكان لبيع مستحضرات التجميل وهادى بدى لوشن ومخمريه ومزيل عرق ونقى كذا نوع برفيوم على ذوقك لان الاذواق بتختلف ياحبيبتى وهاتى كام واحد بيبى دول كده متكتريش وهاتى كاشات كتير وعبايات عشان دول استهلاكهم اكتر وربنا يتمم فرحتك علي خير يارب».
كما علقت رنا: «وليه شتيمة وتجريح ده رزق ونصيب وربنا كرمك افرحي للدرجة دي البني ادمين بقوا مؤذييين لبعض لدرجة ان واحدة جالها نصيبها متأخر شوية وربنا بيعوضها تبقي خايفة من التجريح والشتيمة حقيقي الكلمة الطيبة صدقة».
وقالت أمل: «هتبقي احلي واسعد عروسه باذن الله وربنا هيعوضك بكل السنين الى عدت والله بدعيلك والمغرب بياذن».

“هير نيوز”