ريان الظاهر تدافع عن شريف الفحيل وتقول: مشاهير كتار انتو بتحبوهم جدا بعملو كدا !

حاولت أفتش الزوايا دي بين نشطاء الأسافير
وما لقيتها عشان كدة ح أدونها .

*سؤال أول..
لو ما طلع #شريف_الفحيل وقال أنا بعمل ميك أب في زول كان عارف انه بعمل ميك أب ؟؟؟؟؟
لا طبعا ولا حصل في زول طلع قال انه بعمل ميك أب بالسنين…يبقى الحاجة اللي هو بعملها ما حاجة ظاهرة .

*سؤال تاني
هل شريف الفحيل الفنان الوحيد البعمل ميك أب؟؟؟
لا طبعا كتير من الفنانين والممثلين والمذيعين بعملوا
ومرات الضيوف كمان..مشاهير كتار انتو بتحبوهم جدا على فكرة..

*الشغل تحت الأضواء بصورة مستمرة عندو تأثرات
سالبة على البشرة وفي أدوات ينصح بيها عادة.. يعني ما عمل روج أو شدو مثلا دي مجرد أساسيات في عرف الميك أب و أسألوا الخبيرات

*هو حسب الفيديو المتداول عمل أساسيات و كنتور لتحديد وإبراز معالم الوجه و للمفاجأة انه في ماركات كنتور بكون على غلافها صورة رجل..

لشريف..
أنا بعرف انه درجات الصراحة والوضوح والشفافية مرتفعة عند بعض الناس لكن ما كل شي بنعمله مفروض نطلع نقوله…لأنه روتينك الطبيعي قد يكون فعل غريب عند آخرين..

للناقدين
أبعدوا من إطلاق الأحكام والكلمات الجارحة..وحاول وجه اللفظة لنفسك أول قبل ما توجهها لأي شخص…

#أخيرا أرجعوا لسؤالي الأول..