انطباعاتي عن البرهان من وحي لقاءات وتحليلات لخطابات وتحركات الرجل

انطباعاتي عن البرهان من وحي لقاءات وتحليلات لخطابات وتحركات الرجل…
بقلم: الناشط السياسي معمر موسى

البرهان كجنرال…
هو جنرال محترف وعملي وواقعي وبيشتغل وفقا للمتاح قدامو ، عشان كدا مابيتشالق وبيدخل نفسو في التزامات وادعاءات اكبر من امكانياتو وامكانيات جيشو وبلدو ، واقعيتو دي بتخليهو يعمل أي حاجة بيشوفها مفيدة وممكن تساعدو في انجاز مهامو وتكاليفو الهائلة (عشان كدا بيعمل حاجات بعض الناس بيشوفوها خيانة وبيع وجبن و……الخ).

البرهان كسياسي ورجل دولة :
زول سوداني عادي متيقن وراخي جسمو وكاسر الحنك. تجربتو تشبه لحد كبير تجربة رجل فقير وبالصدفة المحضة مشى مناطق التعدين ولقى ليهو عرق دهب حولو لرجل غني وصاحب املاك هائلة.
رجل لم يجتهد في تكوين هذه الثروة حتى يجتهد في الحفاظ عليها.
دي بالضبط وضعيتو كسياسي ما حريص على سلطة …
عشان كدا الناس تبطل تناخيس واسقاط لتصورات فكرية واخلاقية هائلة على رجل عادي تطورات الأوضاع الدرامية وضعته في موقع قائد الجيش.
والجيوش في لحظات الطواريء هي السلطة السيادية بالضرورة.