سوداني مسافر الى الإمارات يكتشف مفاجأة في كرتونة تخص سيدة اعمال مشهورة
سوداني مسافر الى الإمارات يكتشف مفاجأة في كرتونة تخص سيدة اعمال مشهورة
محمد المكي
مرة كنت مسافر الإمارات اها عندي صحبي قال لي وصل معاك كرتونة صغيرة كده لشخصية مشهورة صاحبة براند و بزنس وومن حالياً المهم
سألته فيها شنو قال بسكويت رويال و شوية من حاجاتنا السودانية المهم شلت الكرتونة وقدر الله انه الطيارة فاتتني وقصة حزينة كده
اها قلبي اكلني قلت اشوف الكرتونة دي فيها شنو فعلاً لقيت البسكويت ومعاه بلح ولغاويس بس المفاجأة لقيت حبوب التسمين ناس النجمة والهجمة والرجمة وبتاع
ومعروف الحبوب دي ممنوعة وتعتبر مخدراااات وتصرف بروشتة طبية بالراحة اتصرفت جدعت الحبوب في الباركنج بتاع المطار وشلت الكرتونة
غايتو لو سافرت بالكرتونة دي كان بتشوفوني في ناشيونال جيوغرافيك مع ناس أمن المطارات في برنامج مسجون في الغربة
لم أكن أعلم بوجود ممنوعات أريد ان اجري اتصالاً هاتفياً
الووو (توتة) لقد تم اعتقالي اعتني ب أطفالنا أنا آسف
