الشريف الفضل: من يستطيع البقاء خارج السودان فليفعل

سودافاكس وجّه الطبيب الصيدلي الشريف الفضل آدم، المشرف على صفحة “التلات حبات ماعلاج”، رسالة مؤثرة عبر حسابه الشخصي، دعا فيها السودانيين المقيمين بالخارج إلى تأجيل عودتهم إلى البلاد خلال هذه الفترة، بسبب الانتشار الواسع لحمى الضنك.

أوضح الشريف أن المرض لا يُصيب مرة واحدة فقط، بل يمكن أن يتكرر لعدة مرات، مشيرًا إلى أن الفئات الأكثر عرضة للخطر تشمل كبار السن والأطفال والرضع والنساء الحوامل، حيث قد تتدهور حالتهم سريعًا في ظل محدودية الخدمات الصحية.

ذكر الشريف واقعة وفاة أحد المصابين بحمى الضنك بعد نقله من عطبرة إلى بورتسودان لتلقي العلاج، معتبرًا ذلك مثالًا على خطورة الوضع الصحي الراهن.

دعا الشريف المواطنين داخل السودان إلى استخدام الناموسيات والمبيدات واتباع الإجراءات الوقائية للحد من لسعات البعوض، مؤكدًا أن «الوقاية هي السبيل الأهم لتجنب الإصابة». كما شدد على أن الظروف الحالية تجعل خيار البقاء خارج البلاد أكثر أمانًا لمن يملك القدرة على ذلك، حتى تنحسر الأزمة.

وختم منشوره بالقول: «اللهم قد بلغت، فاشهد»، في إشارة إلى حرصه على إيصال رسالته التحذيرية بدافع إنساني لحماية الأرواح.

جاء في المنشور:

لو قادر تعيش برا السودان ..وتعيش امك وابوك… ف خليهم اسي برا لحدي الوضع ده ينتهي.. اسمع كلام الببكيك.. الضنك دي منتشرة انتشار مبالغ فيهو..ومابتجيك مررة بس.. بتجيك ممكن اربع مرااتت.. اي نعم الاقدار بيد الله.. بس ده من مبدأ فِرو من اقدار الله الى اقدار الله.. ف انا بكتب ليك الكلام ده من باب زول اخوك….وعايز ليك الخير ما اكتر ولا اقل.. اته بتستحمل ما مشكلة

ارجع لو عايز ترجع… ممكن تمرض…وتبقى كويس..وممكن لأ.. مع انو لو ما اتلقيت الرعاية المناسبة في الحالات الشديدة..برنامجك طويل.. طويل دي بقصدها تماما يعني بس امس..صديقي بيحكي لي انو صحبو جاهو زيارة في عطبرة كان عيان..ودوهو بورتسودان لعلاجات… انتقل هناك للرفيق الاعلى والسبب الضنك.. ف ما تركز مع الناس البتكورك ليك تعال تعال دي..

قادر تعيش وتعيش اهلك برا..ف خليك محلك.. ماقادر والوضع صعب.. ف ارجع ساي..بس تيك كير.. ناموسيات…ومسوحات بعوض وغيرو.. اعمار الستينات والخمسينات دي ما بتستحمل الجوطة دي .. بتعبو شديد لو جاتهم الحمى والخدمة الصحية بي قروشك قد لا تجدها..

الاطفال بموتو عديل منها… الرضع تحديدا… والحوامل اكتر فئات ممكن تتعب مع حمى الضنك.. ف ي ريت القاعدين يسمعو الكلام ويلتزمو بسبل الوقاية… واللي قادر يعيش برا يكون في مكانو بس…لحدي الله يفرجها.. ف الخيار خيارك… ي عزيزي.. -اللهم قد بلغت ف اشهد..- وعود عينيك في الضلمة تشوف