قصة مدرسة الأبيض والطفل

حدثت في مدينة الأبيض قصة لمدرسة قامت بتصرف غريب مع طفل تداولتها مواقع التواصل الاجتماعي نسردها ادناه
دي ما مجرمة ولا مريضة دي ما انسان اصلاً
#الابيض .. روضة [ مدرسة نور …… ] مواطنه سجلت ولدها في روضه المدرسه دي طلبو منها مبلغ 450 الف يتسدد علي أربعة شهور ، الشهر الاول 150 الف والباقي كل شهر 100 الف لمده تلاته شهور .
المواطنة دي حصل ليها ظرف مضطرة ترحل غرب المدينة والمدرسة شرق المدينة ، فخصلت الشهر الاول ودفعت حقو كامل 150 الف وقالت ليهم الولد حيقيف لاننا راحلين والمدرسة حتبقي بعيدة جدا .

#رد_المسجلة .. قالت لوالدة الطفل لازم تدفعو بقية المبلغ فأم الطفل نورتم بالحاصل ناس راحلين غرب والطفل درس شهر واحد وحق الشهر كامل مسدد كيف يعني يدفعو حق شهور هو ما حيكون متواجد اصلا في الحي ؟
المسجله شكلها اتنازلت اقترحت علي والدة الطفل انو متوفر عندنا ترحيل .. ردت الام الطفل عمر تلاته سنين والمسافه بعيدة فما ينفع .. ودا المنطق والطبيعي
هنا المسجلة جابت اخرها قالت ليها خلاص ادونا ملابس المدرسه فكان رد الام جدا بس الولد يصل البيت نطلع الهدوم ونسلمكم ليها .. فكان رد المسجلة دا هو السبب الخلاني اتناول موضوع زي دا بعيدا عن دعمنا للقشم

#رد_المسجلة .. دامك رافضة مدرستنا حنقلع الهدوم من الولد ونجيبو ليكم عريان للبيت وفعلا دا الحصل
تملصي الطفل ملابسو ليه وعشان شنو ؟ كيف نستأمنكم علي اطفالنا اذا كانت دي اخلاقكم ؟؟ اسمها التربيه والتعليم التربيه قبل التعليم .. دا الحصل بالنص واتمني في ادارتكم زول يفرفر عشان اوري الراي العام دموع الطفل وهو عريان و ببكي في الترحيل قدام زمايلو ..

#لو القصه دي حصلت في اي دولة خليجية او أوربية كان الطفل دا اخد حقو بالمحاكم بمجرد عرض الصور دي في الميديا