رجل سوداني بسيط من الجنوب اسمه “جبرائيل توت” ..قرر إنه يفتح مدرسة لتعليم اللاجئين الأفارقة في مصر ولكنه يلقي حتفه نتيجة العنصرية
ده راجل سوداني بسيط من الجنوب اسمه “جبرائيل توت” ..جه مصر وقرر إنه يفتح مدرسة لتعليم اللاجئين الأفارقة ويعوضهم عن الدمار النفسي والتخريب المعنوي اللي شافوه ف بلادهم ..وفعلا فتح مركز ف عين شمس وسماه Sudanese Children Educational Center ..لحد ما صاحب محل بقالة ع ناصية الشارع اللي فيه المركز كان دايما يمارس عليه عنصريته ويناديه ب”بلاك” و”بكار” و “بونقا” ويسلط ولاد الشارع يجروا ورا أطفال المركز ويشتموهم ويشتموا السيد جبرائيل لحد ما أذوه نفسيا هو والأطفال اللي معاه…وكانت النتيجة إنه اتقتل علي إيد صاحب المحل..طبقا للصديقة Fattoo Styles Februa من أسرته
لحد امتي هنبطل نمارس العنصرية الفجة دي تجاه الأفارقة والنوبيين ضحايا التمييز العنصري والعنف الجسدي ف البلد دي..انتم مش بيض والله مش شعب الله المختار ده انتم ف أحط بقاع الكون يعني..أذوكم ف ايه عشان تقتلوهم بالبشاعة دي !!
