زوجة الراحل محمد محمود : ” حسبي الله و نعم الوكيل في كل زول بتاجر بموت زوجي “

سودافاكس ـ كتبت سماح الصادق زوجة الراحل محمد محمود ” حسكا” الذي وافته المنية إثر علة مرضية مفاجئة بالعاصمة المصرية القاهرة خلال منشور بصفحتها الرسمية بموقع فيسبوك بحسب ما رصد محرر موقع سودافاكس الإخباري:

حسبي الله ونعم الوكيل في كل زول بتاجر بي موت زوجي .

و حسبي الله ونعم الوكيل في كل زول بقول كلام جارح يجرحني بيه و يزيد جروحي جروح انا خصيمتكم أمام الله يوم القيامة

زوجي انا الفقدته وانا الرسلت الناس يفقدوه اعوذبالله من قلوبكم ياخ إنتو ناس مريضة .

وفجأة كل واحد عايز يعمل فيها هاميه أمره..

دة زوجي حبيبي حتة من قلبي وروحي انا الفقدته . فقدت حسه وصوته وحبه .

إنت فقدت شنو . اطلالته علي الشاشة

حسبي الله ونعم الوكيل.

و تابعت سماح : ” و كل زول عايش في بلد دي ظروفنا أنا وهو وما ضروري

نوريكم تفاصيلنا وكنا مخططين لي شنو .

و بعض الناس المنزلين صورته عشان يلحقوا الترند ومعروفين هم منو. محمد فقدته انا وامه واخته والناس البحبوه فعلآ

الله يرحمك يا حبيبي

و منو القال ليكم ليه ٤ ايام مافي تواصل معاه . أول ما رسائلي بقت ما بتوصل اتصلت علي شمت وزولو ومجاهد اسنايبر ودكتور حميدة عشان يمشوا يفقدوه

حسبي الله بتزيدو في جرح جرح ”

سودافاكس