الفنانة هدى عربي تثير الجدل : (أصعب اختبار تشوف ناس خبيثين.. أنا ما بخاف و لا عندي فرامل)

سودافاكس ـ أثارت الفنانة هدى عربي جدلا واسعا بمنشور عبر صفحتها الرسمية بموقع فيسبوك رصده محرر موقع سودافاكس الاخباري ،حيث كتبت عربي :
اصعب اختبار … تشوف ناس خبيثين …
( دي ما المشكلة ) بي طريقتهم …الاصعب يكونوا بحشدوا ليك في عداوات مع ناس انت اساسا ما عندك ليهم اي حاجة لا خير لا شر …ودي حاجة ما كعبة كونك تكون ما عندك علاقات وتداخلات مع الناس لكن ما معناها الناس الانا ما دايرة يكون بيبني و بينهم تواصل
يخلقوا لي معاهم عداوات ومعارك ( ساي بس ) …. دايرني يعني ادخل في مشاكل !؟ 😂😂😂😂 مساكين والله 😎 لأني من الاخر كدة زي ما اي زول عارف لا بخاف لا عندي ( فرامل ) بس جد ما فاضية و كسلانة ذاتي ادخل لي في اي سجال او صراع ✋

و تابعت هدى : ادوني من زمنكم البتستنفروا لي فيهو الناس دة حبة عندي حاجات مهمة ما قادرة القى ليها وقت 😂 والله بتبالغوا …. عن نفسي عندي استعداد اعتزل اي زول وبالفعل نائية بنفسي عن اي قصص وناس ودرامات وكمان لاني ….
( غير القمر الضوا ما بعجبني زول ) 😎
الكوبلي الأخير لي روحي العاجباني دي 😂

سودافاكس