سجاد أحمد : (قررت أكون خواف)
سودافاكس ـ أعلن الفنان سجاد أحمد قراره الابتعاد عن الصراعات و التركيز على صحته وحياته الخاصة بعد معاناة مع القولون العصبي و تأثير التوتر عليه.
و أكد اختياره للسلام النفسي و الاكتفاء بدائرته القريبة، داعياً للتسامح و التعايش بهدوء بعيداً عن الخلافات.
حيث كتب سجاد في منشور على فيسبوك رصده محرر موقع سودافاكس الاخباري: (السلام عليكم ورحمة الله تعالى وبركاته 🤍👐🏽
صباح الخير عليكم فضلا وليس أمرا ركزو في كلامي ده
أنا إنسان مريض قولون عصبي متعب جدا اقلا توتر ممكن
أتدردق في الأرض وصراحه عايز أعيش في سلام بس مع نفسي
وأهلي وأصحابي القراب شديد وأكتفي بيهم والله والله والله ماعاد في حيل للصراعات والمشاكل وأخذ الحق بي أي إسلوب كان
يعني من الآخر قررتا السكات والعمل في صمت ووضع أي خلافات جانب في هذا الوسط وقت تجمعنا الصدفه نتسالم بي صفاء نية فقط لا غير لأنو والله الدنيا أصبحت مخيفه ومامستاهله صراعات لي مجرد الطرف التاني غلط في حقك قررتا اني أكون الخواف اللو تفيت في وشو يمشي يخليك معليش للفظ لأني جد جد أكتفيت والصحة كل مايمر يوم ماشه تقل وتعبتا من جواي وفي بدني من الحمل الكبير الأنا شايلو البيوت أسرار والخفايا صعبه ف قررتا أدي نفسي حقها البيسألني منو ربنا وصحتي الإتدهورت
و تابع سجاد : برضو قررتا أهتما بي نفسي للعلم نفسي وحياتي كلها كانت للقريب والغريب والله عمري ماكسرتا خاطر زول من صغري الحمد لله اي نعم طبعي صعب شوية ومابرضى الحقارة وكنت باخد حقي و بخلصو وقتي و قلبي نضيف لاكن قررتا أعيش لي نفسي وشغلي و أمي و أخواني و صحابي القراب بس وماعايز صراعات تاني نهائي داخل الوسط وخارج الوسط عايز أعيش في سلام لكم كل الحب والوود وبعتزر للكل لو كسرتا خاطر واحد فيكم بي قصد او من غير قصد مع انو ما أظن الله يصلح حالنا وحال بلدنا ويحببنا في بعض ياااااارب ياكريم👐🏽🤍)
سودافاكس
