شهد المهندس تشن هجوماً على محمد فتحي : برااااك فتحت طاقة نار علي نفسك فيها و أخرجتها للعلن

نشرت الاعلامية شهد المهندس على صفحتها بشبكة التواصل الاجتماعي فيسبوك رداً على الاعلامي محمد فتحي قائلة :

الأخ العزيز محمد فتحي ، انشاء الله طيب مع إنّو ما بهمني كتير ….
ردا علي البوست الانت كتبتو بخصوص عدم وجود علاقة بين #مشكلتنا_الشخصية و عدم ظهورك في قناة s24 ، أحب يا عزيزي أوضح إنّو انا ما بعتبر أصلاً إنّو في إمكانية وجود مشاكل شخصية بيناتنا ، مش لانو انا و انت ما ممكن نختلف ؛ أبداً ، بس لانو ما شايفة إنّو انت وصلت مرحلة تبقى عندك تأثير مباشر بأي شي شخصي يخصني من بعيد او من قريب …
تعليقا علي نصيحتك لي بتاعت ركزي في شغلك و في المضمون البتقدميهو علي الشاشه ، فا أحب أطمنك برضو انت ما وصلت مرحلة انك تنصحني او توجهني بأي شكل من الأشكال ، زولة واضحة و ما بحب #اللف_و_الدوران …
ما عشان اتيحت ليك الفرصة إنّو تجمعنا شاشة واحدة و برنامج واحد ده طبعا اذا ما كان عندك مانع ، احسسك بالعظمة شويه ? … تقوم تشعر بالتضخم الناتج عن لاشئ
اخيراً انا برضو صدقني ما عندي مانع البته إنّو اكون واضحة مع اي شخص بيعرف #محمد_فتحي لانو انت مشهور أكتر مني طبعا ، تفاصيل مشكلتنا الانت برااااك فتحت طاقة نار علي نفسك فيها و أخرجتها للعلن …
#اكيد_ربنا_حيكرمنا