الطيب عبد الماجد يكتب : شوف يا صاحبي ….!!
شوف يا صاحبي ….!!
لما تلاقي عندك قروش مثلاً والله اداك
رزق ….
قول ياربي الماعندو قروش…
رزقو في شنو …!؟؟؟
إمكن صحتو وعقلو …!! 
يجوز أخلاقو وأدبو
( الإتنين ديل بدخلو الجنة طبعاً )
احتمال سكينتو وراحة بالو …!!
احتمال كبير ما بتكلم في الناس …ويمارس
الغِيبة ..!!
يجوز سمعتو بين الناس …!!
المهم في حاجه …!!
( ودا كلو رزق )
عشان كدا لما تلقي زول أقلّ منك مالاً
وأرزاق….ماتقول مسكين …!! ولا ياربي عايش كيف ..؟؟
قول ياربي بكون أحسن منى في شنو …!!
( وليس الله بظلام للعبيد )
الطيب مطر جمعة : الشكر و التقدير للسيد والي الخرطوم
ولو داير النعمة العند زول تجيك …
ما تستكترها عليهو …وتحسدو
عمرها النعمة ما بتمشي لي زول
( مستكترا ) على من مُنحت له …( كلام نهائي )
ياخ الله اداها ليهو ….داير تجي تقلعا إنت ؟؟؟
إنت منو ..؟؟؟
ما هي ( النعمة ) بتحب سيدا أكتر مما هو بحبها عشان كدا مشت ليهو …!!
تقوم تجي إنت ( تسكترا ) فيهو
و ( تكرها ) …. ليهو …
ودايرا تجيك ….!!
جاتك والله ….!!
تجيك بي ياتو ( وش )..!!؟؟
أها دا العارض الوحيد الما بجيب ليك النِعم …!! عرفتو ؟؟
ياهو دا بس ….!!
دايرا تجيك حبها وباركا لو جات لي غيرك
( بتجيك ) …!!
والله جد
كلمتك غايتو …!!
والريدة بين الناس صلة
الطيب عبد الماجد
