داليا الياس تكتب لعناية لمياء ساتي/ الرئيس التنفيذي و المدير العام لبنك الخرطوم
لعناية الأستاذة / لمياء ساتي _الرئيس التنفيذي و المدير العام لبنك الخرطوم.
أنا قايلة لو تنازلتي وتكرمتي علينا بخروج علني فيه شرح مبسط و وافي للحاصل في تطبيق بنكك يكون أفضل و أكرم ليكم و لينا…عشان نحن فعلياً مافاهمين الحاصل شنو و لا عارفين حدكم وين و راسنا يودي و يجيب لاعارفنها صيانة لاعارفنه تحديث لاعارفنه عطل لاعارفنها مؤامرة خارجية لا عارفنه قرار حكومي!!!
داليا الياس تعلق على رفض واشنطن منح البرهان تأشيرة الدخول : (أحجبوا ميتينا ذاتو)
و من حقنا كعملاء حملنا لكم الولاء لسنوات و دعمناكم و صبرنا معاكم توضحوا لينا ملابسات الكارثة الحاصلة دي… و لا إنتوا يدكم في الموية و الكاش متاح ليكم؟!!
الحاصل في تطبيق بنكك ده بقى محرج و مهين و موقف حياة الناس و مشكل ضغط نفسي لعلمك…فما ممكن تتعاملوا و كأن شيئاً لم يكن و تفتحوا الباب للشائعات والإحتمالات.
و لا كمان أدونا قروشنا خلونا نتطلب الله.
كترتوها و مسختوها والله.
داليا الياس
